Gözləri kompüterdən qoruyan qidalar: Həkimdən VACİB MƏSLƏHƏTLƏR

Kompüter qarşısında uzun müddət işləmək gözlərdə yorğunluq və quruluğa səbəb ola bilər. Göz sağlamlığını qorumaq üçün istirahətlə yanaşı, düzgün qidalanmaya da diqqət yetirmək vacibdir.

Publika.az “Kp.ru”ya istinadən xəbər verir ki, bunu rusiyalı həkim Aleksey Selivanov bildirib.

Həkimin sözlərinə görə, torlu qişanın və göz yaşı təbəqəsinin normal fəaliyyəti üçün A vitamini, omeqa-3 yağ turşuları, sink, lutein, həmçinin C və E vitaminləri vacibdir. Bu maddələrin çatışmazlığı gözlərin bərpa prosesini ləngidə bilər.

Omeqa-3 ilə zəngin olan qızılbalıq, sardina, skumbriya və siyənək balığının həftədə iki-üç dəfə istehlakı tövsiyə edilir. A vitaminini kök, balqabaq və yumurtadan, C və E vitaminlərini isə sitrus meyvələri, giləmeyvələr, qoz-fındıq və bitki yağlarından almaq mümkündür.

Selivanov nahar zamanı yarpaqlı göyərtilər, brokoli və paxlalı bitkilərin də qida rasionuna daxil edilməsini məsləhət görüb.

Həkim vurğulayıb ki, düzgün qidalanma kompüter qarşısında işləyərkən fasilələrin verilməsini əvəz etmir. Gözləri qorumaq üçün ekrandan müntəzəm uzaqlaşmaq və açıq havada vaxt keçirmək də vacibdir.

Müəllif: Roza