Qrip kimi başlayır, səpgi ilə davam edir: Birə yatalağı barədə XƏBƏRDARLIQ

ABŞ-da endemik birə yatalağının yayılması ilə bağlı diqqət çəkən vəziyyət yaranıb. Xəstəlik ilkin mərhələdə adi soyuqdəymə və ya qripə bənzədiyi üçün onun müəyyən edilməsi çətinləşə bilər.

Publika.az xəbər verir ki, həkim Nadejda Çernışova "Aif.ru"ya açıqlamasında birə yatalağının yüksək hərarət, baş ağrısı və əzələ ağrıları ilə müşayiət olunduğunu bildirib.

Onun sözlərinə görə, infeksiya həşərat dişləmələri vasitəsilə yayılır və klassik yatalaqla müqayisədə daha yüngül keçir. Xəstəlik zamanı ağırlaşmalar və ölüm halları olduqca nadir hesab edilir.

Mütəxəssis qeyd edib ki, birə yatalağı qripə bənzər simptomlarla başlayır. Daha sonra səpgi yarana bilər, lakin bu əlamət xəstələrin hamısında deyil, təxminən yarısında müşahidə olunur. Xəstəlik antibakterial preparatlarla müalicə edilir.

Məlumata görə, ABŞ-ın Los-Anceles şəhərindəki Uilşir-Senter rayonunda xəstəliyin 7 halı aşkarlanıb. Bununla əlaqədar Rusiyada sərhəd nəzarətinin gücləndirildiyi və “Perimetr” sisteminin tətbiq olunduğu bildirilib.

Müəllif: Adəm