Səhiyyə

Azərbaycanda daşlaşan insan - ŞOK FOTOLAR

13 Yanvar 2020 11:50

Kürdəmir rayon sakini 35 yaşlı Qadir Məmmədov dövlət qurumlarına və xeyirxah insanlara müraciət edib.

Publika.az xəbər verir ki, 15 ilə yaxındır dəri xəstəliyindən əziyyət çəkən və son vaxtlar xəstəliyin şiddətlənməsi ilə daha da ağır vəziyyətə düşən Qadir Məmmədov müalicəsinə yardım göstərilməsini xahiş edib. Belə ki, maya göbələyinin səbəb olduğu patologiya səbəbindən dərisi sərtləşən Qadir artıq əmək və həyat funksiyalarını itirib: “Otura, uzana bilmirəm, bədənimdə qanaxmalar yaranır. Bir neçə dəfə müalicə olunsam da, maddi vəziyyət ucbatından müalicəm davamlı olmadı. Həm də əvvəldən mənə doğru diaqnoz qoyulmadığı üçün xəstəlik daha da genişləndi. İndi bədənimin hər yerinin daşlaşdığını görə bilərsiniz. Bu xəstəlik həyatımı məhv edib, ailə qurmağıma da mane oldu. İranda mənə dedilər ki, xəstəliyə dəridəki maya göbələyi səbəb olur. Sağalmağım üçün təxminən 5 min manata ehtiyac var. Dövlət qurumlarından, aidiyyatı şəxslərdən xahiş edirəm mənə kömək etsinlər”.

+994 50 462 35 37 (Qadir Məmmədov)