Səhiyyə

Görmə problemi olanların nəzərinə: Müalicəsi tapıldı

22 Aprel 2025 15:43

Alimlər görmə itkisinə səbəb olan tor qişanın zədələnməsini aradan qaldıra bilən dərman hazırlayıblar.

Publika.az xəbər verir ki, tədqiqat Cənubi Koreyanın KAIST Universitetində aparılıb.

Araşdırmanı aparan professor Cin Vu Kim və komandası müalicəyə davamlı retinal xəstəliklərdə mühüm rol oynayan bir proteini (PROX1) bloklayaraq, optik sinirlərin bərpasını təmin edib.

Araşdırmalara görə, “PROX1” zülalı tor qişanın bərpasını əngəlləyən əsas amillərdən biridir. Normalda sinir hüceyrələrinin inkişafında rol oynayan bu zülal zədələnmiş retinal nahiyədə toplanır və bərpanı dayandırır.

Bu tapıntılara əsaslanaraq, komanda “PROX1”-i zərərsizləşdirən xüsusi antikor hazırlayıb. Bu antikor siçanlarda retinal hüceyrələri və görmə qabiliyyətini bərpa etməyə imkan verib.

Nəticələr görmə qabiliyyətini daimi bərpa edən ilk müalicə kimi qeydə alınıb. Klinik sınaqların 2028-ci ildə başlanması planlaşdırılır.

Roza