• USD 1,7000 0,00% EUR 1,9900 -0,11%
    • GBP 2,3187 -0,06% RUB 0,0233 0,00%

Bakıda yeni avtobus və taksi dayanacaqları yaradıldı - VİDEO

  • Sosial
  • 6 Oktyabr 2017 20:41
  • 848 Baxış
Bakıda yeni avtobus və taksi dayanacaqları yaradıldı - VİDEO

Bakıda yeni avtobus və taksi dayanacaq məntəqələri təşkil edilib. Digər belə bir yer metronun ''İnşaatçılar'' stansiyası yaxınlığında yaradılıb. Bu, həmin məntəqədə mövcud olan yol-nəqliyyat infrastrukturunun vəziyyəti öyrənildikdən sonra təşkil olunub.

Publika.az bildirir ki, günün pik saatlarında yaranan sıxlığı aradan qaldırmaq məqsədilə dayanacaq ərazisi genişləndirilib.

Söhbət hər gün səhər və axşam paytaxtın Yasamal rayonu, Şərifzadə küçəsində - metronun ''İnşaatçılar'' stansiyasının qarşısında yaranan süni sıxlıqdan gedir. Dayanacağa yaxın ərazidə taksilər dayandığı üçün avtobus sürücüləri məcbur qalıb avtobusu yolun hərəkət hissəsində saxlayırdı. Problemin aradan qaldırılması üçün Bakı Nəqliyyat Agentliyi Şərifzadə küçəsində 2 yeni dayanacaq məntəqəsi təşkil edib. Bunlardan biri 3 saylı "ASAN Xidmət"in, digəri isə metronun ''İnşaatçılar'' stansiyasının qarşısındadır.

Metronun ''İnşaatçılar'' stansiyası yaxınlığındakı taksilərin dayanması üçün təşkil edilən dayanacaqda taksilər sıra ilə dayanıb, növbə əsasında müştəri aparacaqlar.

Bakı Nəqliyyat Agentliyinin mətbuat katibi Mais Ağayev bildirib ki, əgər taksi fəaliyyəti göstərməyən şəxs avtomobilini həmin duracaqda park edərsə, ərazidə xidmət aparan yol polisləri onları cərimələyəcək.

Mövzu ilə bağlı daha ətraflı Xəzər TV-nin videomaterialını təqdim edirik:

Halal Nemət

Xəbər lenti

DAHA ÇOX XƏBƏR