Sosial

Bu şəxslərin kredit borcu SİLİNƏ BİLƏR - Parlamentdə UNİKAL TƏKLİF

11 Noyabr 2021 15:36

“Bəzi hallarda cəmiyyətdə Birinci Qarabağ müharibəsində şəhid olanların ailə üzvləri ilə müqayisədə İkinci Qarabağ müharibəsi şəhidlərinin ailələrinə daha çox diqqətin göstərilməsi ilə bağlı fikirlər yayılır. Hesab edirəm ki, bu iddiaların heç bir əsası yoxdur. Şəhid ailələri arasında fərq qoyulmur”.

Publika.az report-a istinadla xəbər verir ki, bunu parlamentin Əmək və sosial siyasət komitəsinin sədri Musa Quliyev noyabrın 11-də Milli Məclisin Gənclər və idman, Əmək və sosial siyasət, Aqrar siyasət, Regional məsələlər, Təbii ehtiyatlar, energetika və ekologiya komitələrinin birgə iclasında gələn ilin dövlət büdcəsi zərfinə daxil olan sənədlərin müzakirəsi zamanı deyib.

Komitə sədri bildirib ki, II Qarabağ müharibəsi şəhidlərinin kredit borcları ödənilib: “Təklif edirəm ki, I Qarabağ müharibəsi şəhidlərinin ailə üzvlərinin də kredit borclarının silinməsi və ya onlara hər hansı bir güzəştlərin edilməsi ilə bağlı məsələyə baxaq”.