Sosial

"Nikosayağı"nın son durumu - Atası danışdı

23 Avqust 2023 13:36

"Oğlumun vəziyyəti ortadır. Bu gün və ya sabah xəstəxananın reanimasiya şöbəsindən palataya köçürüləcək".

Publika.az xəbər verir ki, bu sözləri Teleqraf.com-a açıqlamasında “Nikosayağı” adı ilə tanınan bloqer Nicat Şakirlinin atası, nevropatoloq Nafiz Mütəllimov oğlunun səhhətindən danışarkən deyib:

"Özünü yaxşı hiss etmir, ağrıları, psixoloji vəziyyəti, tramvası...Dostunu itirən insan necə olar?! Qolu o vəziyyətdə, qabırğası, burnu sınıb. Yuxusu və iştahı yoxdur. Sağ qolunun amputasiya edilməsini çox pis qarşıladı. Hadisədir... Dostunun ölümü haqqında bir-iki gün əvvəl bildi və çox pis vəziyyətə düşdü. Bu haqda hardansa eşitmişdi".

Qeyd edək ki, Nicat Şakirli avtomobil qəzası keçirib. Qəza nəticəsində onun dostu Ruslan Məmmədov vəfat edib.