Çıraqla axtarılır, amma tapılmır: Can üstə olan PEŞƏLƏR

Vətəndaşların əksəriyyətinin fikrincə, Rusiyada ən qıt peşə sahibləri mexaniklərdir.

Publika.az "Lenta.ru"ya istinadən xəbər verir ki, bunu “Consol.Pro” müstəqil mütəxəssislərin axtarışı xidmətinin analitikləri tərəfindən aparılan sorğunun nəticələri sübut edir.

Tədqiqat 2024-cü ilin oktyabrında onlayn sorğu vasitəsilə aparılıb. Onlayn sorğuda bir milyondan çox əhalisi olan ölkənin iri şəhərlərində yaşayan 18-60 yaş arası ümumilikdə 1207 rusiyalı iştirak edib. Onun nəticələrinə əsasən məlum olub ki, respondentlərin 27 faizinin fikrincə, Rusiyada ixtisaslı mexanik tapmaq çətindir. Ən çox tələb olunan işçilər sırasında santexniklər (bu cavabı respondentlərin 23 faizi verib), təmizləyicilər (22 faiz) və elektriklərin (21 faiz) adı çəkilib.

Tədqiqatın nəticələri göstərir ki, ümumilikdə rusların 69 faizi müəyyən sifarişləri yerinə yetirmək üçün özəl işçi çatışmazlığı ilə üzləşib. Eyni zamanda, hər beşinci respondent belə mütəxəssislərin çatışmazlığını tez-tez və ya vaxtaşırı yaşayır. Yalnız 29 faiz əksər hallarda ehtiyac duyduqları mütəxəssisi asanlıqla tapa bildiklərini açıqlayıb.

Sakinlərin mütəxəssis tapmaqda ən çox çətinlik çəkdiyi Rusiya meqapolisləri arasında Krasnoyarsk (19 faiz), Nijni Novqorod (18 faiz), Tümen və Yekaterinburq (hər biri 16 faiz) yer alıb. Moskva və Sankt-Peterburqda "Consol.Pro"da ümumiləşdirildiyi kimi, özəl işçilər axtarışı ilə işlər daha yaxşıdır. Ölkədəki kadr çatışmazlığı probleminin həlli variantlarından biri kimi respondentlərin 36 faizi həm şirkətlər daxilində, həm də özəl sənətkarların maaşlarının artırılmasını göstərib.

Bildirilir ki, Rusiya iqtisadiyyatının bütün əsas sektorlarında kadr çatışmazlığı müşahidə olunur. 2024-cü ilin fevral ayına olan məlumata görə, ölkədə cəmi 2,5 milyon işçi çatışmazlığı var. İyulun ortalarında Mərkəzi Bank məlumat verib ki, ikinci rübün nəticələrinə görə, Rusiya şirkətlərinin kadrlarla təminatı bütün statistik müşahidələr tarixində minimuma düşüb və -30,8 bənd təşkil edib.

Qeyd edək ki, bu vəziyyət yalnız Rusiyada mövcud deyil. Azərbaycan və qardaş Türkiyə də bu problemdən əziyyət çəkir.

Adəm Abbaslı