Zərərlə işləyən Azərbaycan şirkəti obyektlərini satacaq

Azərbaycanda daha bir şirkət zərərlə işlədiyinə görə, daşınmaz əmlaklarını satmağa hazırlaşır.

Publika.az FED.az-a istinadən xəbər verir ki, “Azərkimya İstehsal və Xarici İqtisadi Əlaqələr” ASC zərərlə işlədiyinə görə, balansında olan daşınmaz əmlakların bir hissəsini satmağa hazırlaşır.

Bu məsələ şirkətin səhmdarlarının 30 iyun 2026-cı il tarixində keçiriləcək iclasında müzakirə olunacaq. Bundan əlavə şirkətin yığılan zərəri də səhmdarlar arasında bölünəcək.

Həmin tarixdə şirkətin Bakı şəhəri, Nərimanov rayonu, Dərnəgül qəsəbəsi, 2096-cı məhəllə, 507-ci küçə, 9 ünvanında yerləşən inzibati binasında keçiriləcək səhmdarların illik illik ümumi yığıncağının gündəliyinə aşağıdakı məsələlər daxildir:

1. 2025-ci ilin yekunu üzrə təftiş komissiyası hesabatının təsdiq edilməsi haqqında.

2. 2025-ci ilin mühasibat balansı və illik hesabatının təsdiq edilməsi haqqında.

3. 2025-ci ilin mənfəət və zərər hesabatının təsdiq edilməsi, zərərin bölüşdürülməsi haqqında.

4. Son illərdə Cəmiyyət rentabelli işləmədəyindən Cəmiyyətə məxsus daşınmaz əmlakların satılması məqsədi ilə qiymətləndirilməsi, satılması və satışdan əldə olunan vəsaitin səhmdarlar arasında bölüşdürülməsi haqqında.

5. Cəmiyyətin mülkiyyətində olan daşınmaz əmlakların yerləşdiyi torpaq sahəsi özəl olmadığından Əmlak Komitəsi ilə icarə müqavilələrinin bağlanması və yaxud özəlləşdirilməsi (tələb olunan vəsaitin mənbəyi) haqqında.

Yığıncağın gündəliyi üzrə materiallarla tanış olmaq üçün səhmdarlar bildirişdə göstərilən ünvana müraciət edə bilərlər. Müraciət olunduğu halda həmin materiallarla tanış olmaq üçün onlara lazımi şəraitin yaradılması təmin ediləcəkdir.