Cənubi Qafqaz

Paşinyanın yeni planı: Koçaryanın deputatlarını parlamentdən qovur

22 Noyabr 2022 10:22

Ermənistanda bir sıra deputatların toxunulmazlığı ləğv edilə bilər.

Publika.az xəbər verir ki, Ermənistanın Baş Prokurorluğu bununla bağlı parlamentlə işləyir.

“Joxovurd” qəzetinin mənbələrə istinadən yaydığı məlumata görə, keçmiş prezidenti Robert Koçaryanın lideri olduğu “Ermənistan” blokundan olan deputatların toxunulmazlığının ləğvi gündəmdədir.

“Məsələ parlamentin dövlət və hüquqi məsələlər üzrə daimi komitəsində müzakirə edilib, lakin parlament rəhbərliyi Baş Prokurorluqdan bir qədər gözləməyi xahiş edib. Buna səbəb hakimiyyətin planıdır.

Çünki “Ermənistan” fraksiyasının bir sıra deputatları – Vaha Akopyan, İşxan Saqatelyan, Armen Çarçyan və Aram Vardevanyan mandatdan imtina etmək istəyirlər. Hakimiyyət kimlərin könüllü olaraq mandatından imtina etməsini görmək istəyir”, - qəzet yazır.

Asif