Bu yolu Azərbaycana kim verib? – Ermənistanın sabiq nazirləri arasında qalmaqal

Ermənistanın keçmiş müdafiə nazirləri David Tonoyan və Vaqarşak Harutyunyan arasında ərazilərin Azərbaycana verilməsi məsələsi üzərində qalmaqal baş verib.

Publika.az xəbər verir ki, Vaqarşak Arutyunyan Tonoyanı Gorus-Qafan yolunun bir hissəsinin Azərbaycana verilməsi ilə bağlı ittiham edib. İddia edib ki, yolun təhvil verilməsinin qarşısının almağa çalışıb, lakin David Tonoyan müdafiə naziri olduğu vaxt – atəşkəslə bağlı üçtərəfli bəyanat imzalananda yolun Azərbaycana verilməsi reallaşıb.

Tonoyan isə bu ittihamları qəbul etməyib. Bildirib ki, atəşkəslə bağlı razılaşma 9 noyabr (10 noyabr-red) 2020-ci ildə olub: “Lakin mən 20 noyabrdan əvvəl baş verənlərə görə məsuliyyət daşıyıram. 20 noyabrdan əvvəl belə bir qərar qəbul edilməyib. Danışıqlar davam edirdi”, - Tonoyan bildirib.

Bununla o, 20 noyabr 2020-ci ildə müdafiə naziri təyin edilən Harutyunyanı günahlandırıb.

Qeyd edək ki, Gorus-Qafan yolunun 21 kilometrlik hissəsi 2020-ci ilin dekabrında Azərbaycanın nəzarətinə keçib.

Asif