Azərbaycanla sülh sazişini imzalayacağıq, amma... - Köçəryandan sensasion iddia

“Ermənistan” blokundan baş nazirliyə namizəd, keçmiş prezident Robert Köçəryan seçiləcəyi təqdirdə Azərbaycanla sülh müqaviləsini imzalayacağını açıqlayıb.

Publika.az xəbər verir ki, Köçəryan seçki kampaniyasının sonuncu günündə seçicilərlə görüşdə bu haqda danışıb.

Bildirib ki, Azərbaycanla sülh müqaviləsi “sülhü təmin edəcək düzəlişlərlə” imzalanacaq.

“Əmin olun, bu mümkündür və buna nail olacağıq. Biz Ermənistanı müasir sənaye ölkəsinə çevirəcək, investisiyalar üçün cəlbedici edəcəyik. Bunu etmişdik, yenə edəcəyik. Biz Ararat dağı və ya kimliyimizi müəyyən edən məsələlərə qarşı mübarizə aparmayacağıq”, - o deyib.

Köçəryanın Azərbaycanla sülh müqaviləsinin imzalanacağı haqda dedikləri Paşinyanın “revanşistlər hakimiyyətə gələrsə, müharibə olacaq” sözlərinə cavab hesab oluna bilər. Lakin onun dediyi “düzəlişlər” o deməkdir ki, hakimiyyətə gələcəyi təqdirdə, sülh razılaşmalarını yenidən nəzərdən keçirəcək və belə bir cəhd sülh prosesini poza, müharibə risklərini yarada bilər.

Asif