Köçəryanın həbsinə hazırlıq başladı - Baş Prokurorluq MSK-ya siyahı verdi

Ermənistan Baş Prokurorluğu ölkənin keçmiş prezidenti Robert Köçəryanın cinayət məsuliyyətinə cəlb edilməsi və həbs olunması üçün Mərkəzi Seçki Komissiyasına müraciət edib.

Publika.az xəbər verir ki, bu barədə yerli Pastinfo.am onlayn nəşri qurumun rəsmi məlumatına istinadla məlumat yayıb.

Vəsiqədə parlament seçkilərində iştirak edən "Ermənistan" siyasi blokunun digər iki təmsilçisi — Ruslan Barseqyan və Asatur Köçəryanın da adları qeyd olunub. Prokurorluq onlara qarşı da cinayət təqibi başlanılması üçün sanksiya əldə etməyə çalışır.

Qurumun müxalifətçi siyasətçilərə qarşı istintaq hərəkətləri üçün icazə istəməsinin səbəbləri hələlik açıqlanmır. İki gün öncə isə Köçəryanın ölkədən çıxışına icazə verilmədiyi məlum olub.

Seçkilərdən sonra Ermənistanın Baş naziri Nikol Paşinyan sosial şəbəkələrdə müxalifət liderlərinin həbsxanaya göndəriləcəyini yazıb. Müxalifətçilərin özləri isə Mərkəzi Seçki Komissiyasının elan etdiyi səsvermə nəticələrini qanunsuz hesab etdiklərini bildiriblər.

Hüseyn İbadlı