Cənubi Qafqaz

Paşinyan Rusiyadakı səfiri geri çağırır: Bu vəzifənin öhdəsindən gələ bilmədi

21 Avqust 2026 11:48

Ermənistanın Rusiyadakı fövqəladə və səlahiyyətli səfiri Qurgen Arsenyanın Moskvadan geri çağırılacağı iddia edilir.

Publika.az xəbər verir ki, bu barədə Ermənistanın “Joqovurd” qəzeti yazıb.

Nəşrin hakimiyyət daxilindəki mənbələrinə görə, baş nazir Nikol Paşinyan Arsenyanın fəaliyyətindən narazıdır və onun geri çağırılması ilə bağlı qərar artıq yekunlaşıb. İddiaya əsasən, səfir Ermənistan-Rusiya münasibətlərindəki gərginliyin aradan qaldırılmasına nail ola bilməyib.

Məlumata görə, hazırda Arsenyanın yerinə kimin təyin olunacağı bəlli deyil və konkret namizəd belə yoxdur.

Qəzet məsələ ilə bağlı Ermənistan XİN-dən rəsmi açıqlama almağa çalışsa da, qurum bunun onların səlahiyyətində olmadığını bildirib. Prezident Administrasiyası isə məsələ ilə bağlı hökumətə müraciət etməyi tövsiyə edib.

Nəşr qeyd edib ki, səfirin geri çağırılması ilə bağlı rəsmi təsdiq hələlik verilməsə də, hakimiyyət daxilindəki mənbələr qərarın dəyişməz olduğunu iddia edir.

Akqabay