Rusiyadan Ermənistana xəbərdarlıq: İki stulda oturmaq fəlakətlə nəticələnir

Ermənistanın Avropa İttifaqına (Aİ) üzvlük yolunu seçəcəyi təqdirdə Rusiya və Avrasiya İqtisadi İttifaqı (Aİİ) ilə əlaqələrin kəsilməsinin ölkəyə ciddi iqtisadi və siyasi itkilər gətirə biləcəyi bildirilib.

Publika.az xəbər verir ki, bunu Rusiya senatoru Sergey Perminov "RİA Novosti"yə açıqlamasında deyib.

Onun sözlərinə görə, Ermənistan üçün Aİ-yə üzvlük prosesi onilliklər davam edə biləcək qeyri-müəyyən marafondur. Bununla yanaşı, Moskva və Aİİ ilə münasibətlərin pozulmasının iqtisadi və siyasi nəticələri ölkə tərəfindən daha tez hiss oluna bilər.

Perminov Ermənistanın həm Rusiya, həm də Qərblə paralel münasibətlər saxlamaq cəhdini də tənqid edib: “İki stulda oturmağa cəhd həmişə fəlakətli sonluqla nəticələnir”.

Senator Ermənistanın baş naziri Nikol Paşinyanın Aİ-yə üzvlük müraciəti ilə bağlı açıqlamasını ölkənin Qərbə doğru rəsmi və ehtimal ki, geri dönməz istiqamət dəyişikliyi kimi qiymətləndirib.

Qeyd edək ki, Rusiya prezidenti Vladimir Putin də Ermənistanın Aİ-yə üzvlük istəyinin Moskva tərəfindən xüsusi nəzərdən keçirilməli olduğunu bildirmişdi.

Akqabay