Vaxtilə ləyaqətli qadınların geyinmədiyi geyim dəbə qayıtdı - Fotolar

Kişi üslubu qadın qarderobunda çoxdan məskunlaşıb. Bu mövsüm isə qadınlar üçün kişi stili dəbin lap zirvəsindədir. Tabloid.az xəbər verir ki, şalvarlı kostyumlara bir çox moda evlərinin 2014/15 payız-qış kolleksiyalarında rast gəlmək mümkündür.

Biz qadınlar dəbdəbəli, şıq şalvar geyinmək fürsətini əfsanəvi modelyer Koko Şanelə borcluyuq. Əlbəttə ki, şalvarlı kostyumlarda eleqant görünən Marlen Ditrixi də unutmaq olmaz.

Modelyer Kristian Diorun qadınlıq, zəriflik dövründən sonra şalvarlı kişi kostyumlarını dəbə gətirən modelyer İv Sen Loren XX əsrin əsas moda hadisəsinin müəllifinə çevrilmişdir.

Maraqlıdır ki, vaxtilə hesab edirdilər ki, ləyaqətli qadınlar şalvar geyinməz. Hətta şalvar geyinən xanımları nüfuzlu məkanlara - elit restoranlara, mehmanxanalara, teatrlara buraxılmırdılar. İndi şalvarlı kostyum bizim üçün doğma olub. Və indi əsas vəzifəmiz münasib modeli tapmaqdır.

Bu il dizaynerlər payız-qış kolleksiyalarında klassik şalvarlı kostyumlara üstünlük veriblər.

Tabloid.az məşhur modelyerlərin kolleksiyalarından şalvarlı kostyumların fotolarını təqdim edir: