ABŞ

Pompeo: "İran xalqının doğru yolu tutacağına əminəm"

23 May 2018 09:57

ABŞ-ın dövlət katibi Mayk Pompeo mətbuat konfransı keçirib.

Publika.az xəbər verir ki, jurnalistlərin suallarını cavablandıran nazir ABŞ-ın İranla əldə etdiyi nüvə razılşamasından çəkilməsi məsələsinə toxunub.

Pompeo ölkəsinin İrana təqdim etdiyi 12 maddəlik şərtin yerinə yetirilməsinin mümkünsüz olmadığını bildirib: “Şərtlərimizin tətbiq edilməsinin mümkünsüz olduğuna dair xəbərlər gördüm. Biz asan şərtlər təqdim etdik və açıq danışmaq lazımdırsa, dünyadakı bir çox ölkə bu şərtlərlə münasibətlər qurur. İran xalqının ölkələrinin bu şəkildə davranmasına son verəcək bir yol görmələrinə və o yolda irəliləmələrinə güvənirəm”.

Qeyd edək ki, Pompeo İrana nüvə silahı istehsalının dayandırılması və Yaxın Şərqdəki “terror qruplarına” verdiyi dəstəyi kəsməsi çağırışı etmişdi. İranla yeni bir razılaşma əldə edilməsinin lazım olduğunu vurğulayan dövlət katibi yeni anlaşma üçün 12 maddəlik şərt irəli sürmüşdü.

Zümrüd