Dünya
Putinə hörmət prezidentliyə namizədin reytinqini yüksəltdi
ABŞ-da prezident seçkisi kampaniyasında sensasiyalı proseslər baş verir.
Publika.az xəbər verir ki, “The Washington Post” qəzeti və “ABC News” televiziya şirkətinin keçirdiyi sorğu Respublikaçılar Partiyasında milyarder və televiziya aparıcısı Donald Trampın lider olduğunu göstərir.
Onun reytinqi respublikaçıların əvvəlki favoriti Ceb Buşun reytinqini iki dəfə keçib. Deyilənə görə, Con Makkeyni Vyetnam müharibəsinin qəhrəmanı hesab etməməsi və Rusiya prezidenti Vladimir Putinlə münasibətləri qaydaya salmaq istəməsi milyarderin reytinqini yüksəldib. Bir ay əvvəl seçki kampaniyasının başlandığını rəsmən elan edən və ciddi qəbul olunmayan Donald Tramp bu gün ABŞ-ın ən çox müzakirə edilən siyasətçisi olub.
Sorğu göstərir ki, Respublikaçılar Partiyasının 24 faiz tərəfdarı qeyri-adi milyarder və televiziya aparıcısını dəstəkləməyə hazırdır. Reytinqdə ikinci yeri 13 faizlə Viskonsin ştatının qubernatoru Skott Uoker tutur. Florida ştatının keçmiş qubernatoru, ABŞ-ın 43-cü prezidenti Corc Buşun qardaşı Ceb Buş bir ay əvvəl mübahisəsiz favorit hesab edilsə də, hazırda onun reytinqi yalnız 12 faizdir.
İyulun ortasında televiziya aparıcısı Nyu-Yorkda çıxış edərək ABŞ prezidentliyi uğrunda mübarizəyə qoşulduğunu elan etdi. Öz nitqində işsizlik probleminə toxundu, ABŞ-ı divarla Meksikadan ayıracağına və İŞİD-ə qalib gələcəyinə söz verdi.
Las-Veqasda seçicilərlə görüşən milyarder Rusiya-Amerika münasibətlərinə toxundu. Donald Trampın fikrincə, hazırkı problemlərin əsas səbəbi prezident Putinə hörmət etməyən Barak Obamadır. “Düşünürəm ki, biz Putinlə çox yaxşı yola gedəcəyik”, - o, deyib.
Las-Veqasda Donald Tramp həmçinin söz verib ki, Ağ Evin başçısı olacağı halda Çinlə münasibətlərin yaxşılaşması üçün çalışacaq.
Ömər Dağlı
-
İdman03:35
Əfsanə Enrikeni ələ saldı: deyirdilər ki…
-
Maraq dünyası02:19
Dünyanın ən lənətlənmiş adası: Kim yaşadısa... - FOTO
-
Region01:50
İranda qadın alveri və intim xidmətlər barədə ŞOK FAKTLAR - VİDEO
-
İdman01:08
"Real" ÇL-nin finalında! - VİDEO/YENİLƏNDİ
-
Region00:45
Putinlə Paşinyanın görüşü başa çatdı - YENİLƏNDİ
-
Qoroskop00:35
Günün qoroskopu: nüfuzlu insandan dəstək ala bilərsiniz
-
Hadisə8 May 23:34
Xırdalanda küçə itləri qadını dişlədi - ANBAAN VİDEO
-
Hadisə8 May 21:59
Hoteldə zəhərlənən dostlarla bağlı FAKTLAR: Qonaqlıq buna görə təşkil edilibmiş... - FOTO