Dünya
Qafqaz gəncləri Suriyada Rusiyaya qarşı: İŞİD bölgəyə hakim olur
“Rusiyada Suriyada prezident Bəşər əl-Əsədə dəstək üçün hərbi kampaniyaya başlayandan bəri Şimali Qafqaz müsəlmanları arasında antirusiya duyğuları güclənib. İndi regiondan çıxanlar təkcə müqəddəs Şam torpağında şəriət qanunlarının bərqərar edilməsi üçün cihada qoşulmaqla kifayətlənmirlər”.
Publika.az xəbər verir ki, bu barədə BBC-nin
araşdırmasında deyilir.
Məqalədə bildirilir ki, ötən həftə üsyançıların çeçenlər, özbəklər
və taciklərdən ibarət 1500 nəfərlik böyük qruplaşma Suriyada
əl-Qaidənin qolu sayılan Nüsra Cəbhəsinə qoşulub.
“Cəbhət ən-Nüsrə” və ya Nüsrə Cəbhəsi də İŞİD kimi Rusiyada
qadağandır. Lakin Əsəd rejiminə qarşı İŞİD-dən başqa, Nüsrə Cəbhəsi
də döyüşür. Sonradan alınan məlumatlara görə, sözügedən qrupun adı
“Ceyş əl-Mühacirun vəl-Ənsardır” (CMƏ). CMƏ-nin internet
resurslarında bildirilir ki, bu təşkilata 750 döyüşçü daxildir.
Onların 500-600-ü ərəblərdir. Ərəblərin yalnız 50 nəfəri Ərəb
yarımadasından gələnlərdir. Bu dəstədə 100-150 rusdilli mühacir də
var. Bunlar əsasən avarlar, kumıklar, çeçenlər, inquşlar və
kabardinlərdir. Bundan əvvəl Nüsrə Cəbhəsinə Şimali Qafqazdan olan
cihadçıların rəhbərlik etdikləri başqa qruplaşmalar da qoşulub.
Onların sayının təxminən 1500 nəfər olduğu bildirilir. Belə çıxır
ki, Şimali Qafqazdan olan döyüşçülərin birləşmələri Suriya
münaqişəsində iştirak edən başqa qruplaşmalardan asılı olmayaraq,
İslam Dövlətinin əsas opponenti olan Nüsra Cəbhəsinə keçirlər. Onu
da qeyd edək ki, son altı ayda Şimali Qafqazdan olanların İslam
Dövləti təşkilatına keçdiyi bircə hal da qeydə alınmayıb”, - deyə
məqalədə qeyd olunur.
Lakin İstanbuldakı Mərmərə Universitetinin Yaxın Şərq və müsəlman
ölkələri üzrə doktorantı Rinat Muxammetov deyir ki, İD-in
zəifləməsindən və Nüsrə Cəbhəsinin güclənməsindən danışmaq hələ
tezdir: “Suriyadakı vəziyyət daim dəyişir. Suriyanın ayrı-ayrı
yaşayış məntəlqələrində hakimiyyətlər bir-birini əvəz edir. Belə
bir şəraitdə bir sıra neytral qrupların nəhayət qərar qəbul edib
Nüsrə Cəbhəsinə qoşulmasından çıxış edərək ciddi nəticələr çıxarmaq
olmaz. Çünki bütün bunlar hər an yenidən dəyişə və İŞİD-in
güclənməsinə səbəb ola bilər və ya əksinə. Bütün vətandaş
müharibələrində belə olur”.
R. Muxammetov qeyd edir ki, Rusiyanın xüsusi xidmətləri radikal
gənclərin ölkəni tərk etməsində bundan sonra da maraqlı olacaqlar.
“Burda sadə bir məntiq var: nə qədər çox radikal vətəndaş Suriyaya
getsə, Rusiyanın problemi bir o qədər az olacaq”.
Adının çəkilməsini istəməyən bir təhlilçi BBC-yə İŞİD-in Şimali
Qafqazda güclənməsinin başlıca faktorunun Rusiya xüsusi xidmətləri
olduğunu bildirib.
“Şimali Qafqazda gizli radikallar arasında ixtilaf baş verəndə,
İmarat parçalanmış qruplaşmaları bir araya gətirməklə güclənməyə
çalışırdı. Məhz elə bu vaxt Rusiya xüsusi xidmətləri, ilk növbədə
əllərindən gələni etdilər ki, bu baş verməsin. İkincisi isə “İmarat
Qafqaz” layihəsinin özünü ləğv edərək İD-nin Qafqazdakı elçiləri
üçün maneəni aradan qaldırdılar” – adının açıqlanamasını istəməyən
şərhçi deyib.
Onun fikrincə, “İmarat Qafqaz”ın strukturunun zəifləməsində və
dağılmasında təşkilatın özündə avtoritetlərin olmaması da rol
oynayıb.
Mənbə hesab edir ki, “İmarat”ın böhranı xaricdəki dəstələrdə
başlanıb. Onlar sadəcə olaraq fəaliyyətlərini kiminlə koordinasiya
edəcəklərini bilmirdilər. Sözü gedən təhliçinin fikrincə, Şimali
Qafqazda İD də nüfuz qazana bilməyib. Çünki Rustam Aselderov İD
lideri kimi lazımi xarizmaya malik deyil. Qafqazda “Vilayət Qafqaz”
elan ediləndən bəri Aselderov bircə təxribat da törədə
bilməyib.
Lakin Umar adlı başqa bir həmsöhbət iddia edir ki, Qafqazda İŞİD
ideologiyası çox güclüdür: “Bu islami gənclik nüfuzlu alimləri ona
görə tanımaq istəmir ki, özü intellektual baxımdan çox yüksəkdədir.
Əksinə problem belə nüfuzlu üləmaların olmamasındadır. Belə
gənclərin sayı ümumən müsəlmanların arasında azalmaqdadır, lakin
onlar radikallaşmış şəxslərin arasında çoxluq təşkil edirlər.
Qafqazda İŞİD populyarlığının kəllə-çarxı artıq geridə qalıb, lakin
gənclərin axını davam edir. Çünki Rusiyanın xüsusi xidmətləri İslam
ideologiyalarını başa düşmək zəhmətinə qatlanmayıblar. Həm də bu
gənclər artıq öz vətənlərində yüksək mövqelər tutmaq ümidini
itiriblər”.
BBC yazır ki, hələlik “ürəklərin fəthi” (və onların sayı) uğrunda
döyüşdə Rusiya xüsusi xidmətləri ilə İD səfərbərçilərinin maraqları
üst-üstə düşür.
Birincilər Simali Qafqazın regionlarında “qeyri-ənənəvi” sayılan
müsəlman təriqətlərinin üstünə düşüblər.
İkincilər isə belə təmənnasız yardımdan faydalanaraq “istismar
zəncirlərini qıracaq” xilafətin quruculuğuna qoşulmaq zərurətini
gənclərə izah etmək üçün artıq zəhmətə düşmürlər.
Əvvəllər qırmızı xətti keçmək istəməyənlər Suriyaya getməkdən ona
görə çəkinirdilər ki, Qafqazda da əleyhinə vuruşacaq qüvvələr
vardı. İndi isə Rusiyanın Suriyaya müdaxiləsi xilafət quruculuğu
arzuları ilə intiqam təşnəsinin söndürülməsini birləşdirən amil
olub.
Asif
-
Magazin208:00
Şakira açıq-saçıq geyimi ilə heyrətləndirdi - FOTO
-
Yaxın Şərq07:30
"Hizbullah" İsraili artilleriyadan atəşə tutdu
-
Dünya06:46
ÜST-dən siqaretlə bağlı HƏYƏCAN TƏBİLİ: "Gənclərin 57%-i..."
-
Sosial05:15
Anasından asılı olan qızların 5 ƏLAMƏTİ - Sonrakı həyat necə olacaq?
-
Sosial03:13
Özünü qadına görə güllələdiyi deyilən Nəsib Quliyevin övladları və xanımı yasda İŞTİRAK ETMƏDİLƏR
-
Dünya02:12
Qadınlar SİLAHA SARILDILAR: əxlaqsızlığı təşviq edən festival LƏĞV EDİLDİ
-
Magazin100:45
Könül Kərimova estetik əməliyyat etdirdi - FOTO
-
Qoroskop00:15
Günün ULDUZ FALI: qarşıdurmalar ola bilər