Dünya
Putinin Bakıya torpaqları qaytarmaq təklifi etməsi mümkündür
“Rəsmi Kreml görüşlə bağlı ictimaiyyətə geniş məlumat verməyə borclu idi”.
Bu sözləri Axar.az-a politoloq Fərhad Mehdiyev Kremlin Soçi görüşü ilə bağlı yaydığı məlumata münasibət bildirərkən dedi.
Onun sözlərinə görə, Moskva Soçi görüşü barədə mümkün qədər danışmamağa çalışıb və bu da müəyyən versiyaların meydana çıxmasına səbəb olub:
“Kremlin yaydığı məlumatda prezidentlərin üçtərəfli görüşü və Qarabağ münaqişəsi barədə bir kəlmə də yazılmayıb. Amma bu barədə ictimaiyyətə xəbər verilməli idi. Son anda məlum olur ki, üçtərəfli görüş baş tutacaq. Məlumatlandırma işi niyə aparılmayıb və məqsəd nədir – bu sual maraqlıdır”.
Görüşdən sonra
Ekspertin fikrincə, prezidentlərin görüşündən sonra cəbhədə vəziyyət yenidən gərginləşəcək:
“Hər halda, gərginləşmə olacaq. Bu gözləniləndir. Bilirsiniz, istənilən halda Rusiyanı izləmək lazımdır. Azərbaycan hər şeyi nəzərə alaraq istənilən vəziyyətə hazır olmalıdır”.
Putin İlham Əliyevə təklif verəcək
Politoloq onu da bildirdi ki, görüşdə Putin İlham Əliyevə bir sıra təklif verəcək:
“Putinin İlham Əliyevə təkliflər edəcəyini proqnozlaşdırırıq. Rusiyalı politoloqların Soçi görüşü ilə bağlı Qarabağ müzakirəsi zamanı təxminlərini nəzərə alsaq, bu danışıqların Azərbaycan üçün yaxşı nəticələnəcəyi ehtimalını irəli sürə bilərik, daha doğrusu, bu, bizim istəyimizdir. Kremlə bağlı olan “Nezavisimaya qazeta”nın iddialarına əsasən, Dağlıq Qarabağ ətrafında olan işğaldakı torpaqlarımızın qaytarılması məsələsinin gündəmə gələcəyini də düşünmək mümkündür. Ancaq Rusiya bunun qarşılığında mütləq Avrasiya İttifaqına qoşulma məsələsini qaldıracaq. Çünki Qərbin sanksiyaları qarşısında sıxılan Rusiya artıq bəyan edib ki, Azərbaycandan idxalı artırmaq niyyətindədir. Bu faktın özü bir daha təsdiqləyir ki, Moskva Azərbaycanla iqtisadi münasibətləri yüksək müstəviyə qaldırmaq qərarındadır”.
Hər şey Azərbaycanın istədiyi kimi gedir
Rusiyanın beynəlxalq vəziyyətinə toxunan politoloq hadisələrin Azərbaycanın xeyrinə işlədiyini də bildirdi:
“Rusiyanın beynəlxalq vəziyyətini nəzərə alsaq, hər şey Azərbaycanın istədiyi kimi gedir. Çünki ABŞ və Qərb ölkələri ilə qarşılıqlı sanksiya şəraitində olan Rusiya Türkiyə və Şərqə üz tutub. Təbii ki, bu proseslərdən Azərbaycan kənarda qala bilməz”.
-
Rəsmi xronika16:00
İlham Əliyev və xanımı Şuşada açılışda iştirak etdilər
-
Sosial15:20
Əməkhaqqı ilə bağlı mühüm dəyişiklik - İyulun 1-dək...
-
Rəsmi xronika14:41
Prezident və birinci xanım Şuşada
-
Dünya14:12
Cəlal Şəngördən şok iddia: Türkiyə bu ölkə ilə birləşəcək
-
Dünya13:52
20 ildən sonra ilk dəfə xəbərdarlıq edildi - Bu gün başlayır, çox təhlükəlidir...
-
İqtisadi gündəm13:27
Türkiyə gündəmi silkələndi: Ərdoğanın vəzifədən azad etdiyi xanım qayıdır
-
Hadisə12:42
Azərbaycanda iki tələbə faciəli şəkildə öldü
-
Nida Xəbər 11:46
Baqrat impiçment başlatdı: Nikol gedir, yoxsa...