Dünya

Gəlini başqa bəyin yanına gətirdilər

15 Avqust 2014 18:15

Yəmənin paytaxtı Sana şəhərində keçirilən iki toy məclisi böyük qalmaqala səbəb olub. İş ondan ibarətdir ki, toy maşını gəlini səhvən başqa bir bəyin yanına gətirib. Bu vaxtı isə bəyin yanına onun qanuni arvadı gəlib.

Günah isə gəlini izləyən avtomobil sürücüsündə olub. Gəlin avtomobildə olarkən yolda başqa bir toya gedən yaxınlarını görüb avtomobili saxladıb. Bu vaxt sürücü toy kortejini səhv salıb. Maşının yaxınlaşdığını görən bəy təzə gəlini qarşılamaq üçün ona yaxınlaşıb. Bu zaman bəy evi tərəfə ikinci bir gəlin maşını daxil olub. Qohumların bildirdiyinə görə, iki gəlini eyni anda görən bəy və qonaqlar yerlərindəcə quruyub qalıblar. Birdən-birə musiqi və sevinc sədaları səssizliklə əvəzlənib. Vəziyyəti isə səhv gəlmiş gəlin özü düzəldib: o, hadisəni izah edib və qonaqlar gülümsəyərək, həqiqi bəyin adını öyrənib onu yola salıblar.

Nura