Dünya

BMT Moskvadakı bürosunu bağlayır

19 Noyabr 2014 02:21

Birləşmiş Millətlər Təşkilatının Təhsil, Elm və Mədəniyyət Təşkilatı (YUNESKO) 2015-ci ilin ikinci yarısında Moskvadakı bürosunu bağlayacaq.

Publika.az-ın RİA xəbər agentliyinə istinadən verdiyi məlumata görə, bu barədə Rusiyanın YUNESKO-dakı daimi nümayəndəsi Eleonora Mitrofanov bildirib.

“YUNESKO mürəkkəb maliyyə vəziyyətindədir. Buna görə də təşkilatın Moskvadakı bürosunun bağlanması haqqında qərar qəbul edilib”, - deyə o, vurğulayıb.

YUNESKO 1945-ci ilin 16 noyabrından mövcuddur və bu gün onun 195 üzvü var. Təşkilatın əsas vəzifəsi təhsil, elm və mədəniyyət sahəsində dövlətlərin əməkdaşlığının genişləndirilməsi yolu ilə sülhün möhkəmlənməsinə yardım etməkdir.

Ömər Dağlı