• USD 1,7339 0,00% EUR 1,8516 0,00%
    • GBP 2,1859 0,00% RUB 0,0272 0,00%

Kremldən Lukaşenkoya xəbərdarlıq: “Qəddafi və Səddamın taleyini xatırla”

  • Dünya
  • 22 Dekabr 2014 12:06
  • 650 Baxış
Kremldən Lukaşenkoya xəbərdarlıq: “Qəddafi və Səddamın taleyini xatırla”

Rusiya Dövlət Dumasının beynəlxalq işlər üzrə komitəsinin başçısı Aleksey Puşkov Belorus prezidenti Aleksandr Lukaşenkoya xəbərdarlıq edib.

Publika.az-ın verdiyi xəbərə görə, komitə başçısı “Twitter” səhifəsində ABŞ-la dostluğu təhlükəli adlandırıb və “təhlükəli təcrübə"ni yada salıb.

“Miloşeviç Slobodan, Müəmmər Qəddafi, Səddam Hüseyn ABŞ-la dostluq etməyə çalışırdı. Onların taleyi məlumdur. ABŞ indi "yeni münasibətləri” Lukaşenkoya təklif edir. Təhlükəli təcrübə..." A.Puşkov yazıb.

Dekabrın 17-də ABŞ-ın dövlət katibinin müavini Viktoriya Nuland Belarus və ölkəsinin son illər ərzində ikitərəfli münasibətlərdə kiçik irəliləyişə nail olduğunu bildirib. O həmçinin qeyd etdi ki, ABŞ Belarusla dialoq üçün açıqdır.

Eyni zamanda A.Lukaşenko Belarus məhsullarının idxalına qadağa qoyan Moskvanı Gömrük İttifaqının normalarını pozmaqda ittiham edib. Üç gün əvvəl isə Belarus prezidenti Rusiya ilə ticari hesablaşmalarında rubldan imtina edərək, dollar və avrodan istifadə etmək barədə göstəriş verib.

Lukaşenko həmçinin hökumətə Belarus məhsulları üçün yeni satış bazarları tapmaq barədə tapşırıq verib.

Ömər Dağlı

Xəbər lenti

DAHA ÇOX XƏBƏR