Dünya

“Berkut” tarixə qovuşur

24 Fevral 2014 18:45

Bu gün Ukrayna Ali Radasının (parlament) iclasında “Berkut” xüsusi təyinatlı milis dəstəsinin ləğvi məsələsinə baxılacaq.Publika.Az –ın verdiyi xəbərə görə, bu barədə “İnterfaks-Ukrayna” informasiya agentliyi yazıb.

Parlament həmçinin Beynəlxalq Cinayət Məhkəməsinin Roma Nizamnaməsinə Ukraynanın qoşulması və növbədənkənar prezident seçkilərinin keçirilməsi ilə əlaqədar dövlət büdcəsinə dəyişikliklərin edilməsi məsələlərinə baxılacaq.

Qeyd edək ki, növbədənkənar prezident seçkiləri 25 May 2014-cü il tarixinə təyin edilib. Beynəlxalq Cinayət Məhkəməsi isə İtaliyanın paytaxtı Roma şəhərində BMT-nin diplomatik konfransında 17 İyul 1998-ci ildə təsis edilib. Bu məhkəmə beynəlxalq birliyi narahat edən ən ciddi cinayətlərə görə məsuliyyət daşıyan şəxslərə münasibətdə yurisdiksiyasını həyata keçirməyə səlahiyyətli olan daimi bir orqan kimi yaradılıb.

Ömər Dağlı