Dünya
Saakaşvili Ukraynanın baş naziri olmaq istəyir - İDDİA
Bir neçə gün bundan əvvəl Ukraynanın Odessa vilayətinin qubernatoru təyin olunan Gürcüstanın sabiq prezidenti Mixail Saakaşvili Ukraynanın baş naziri olmaq iddiasındadır.
Publika.az RİA informasiya agentliyinə istinadən xəbər verir ki, bu barədə Rusiya Dövlət Dumasının beynəlxalq məsələlər üzrə komitəsinin başçısı Aleksey Puşkov “Twitter” səhifəsində yazıb.
Saakaşvilinin özü isə bu iddianı “ağılsızlıq” adlandırıb. O, Ukraynada heç bir siyasi ambisiyasının olmadığını deyib. Sabiq dövlət başçısı bildirib ki, “Odessa layihəsi” tamamlandıqdan sonra vətənə qayıtmağı planlaşdırır.
Gürcüstan qanunvericiliyə görə, ikinci bir ölkənin vətəndaşlığını alan şəxs avtomatik olaraq Gürcüstan vətəndaşlığını itirir. Qanunvericilik ikili vətəndaşlığa icazə verir, amma bunun üçün Gürcüstan prezidentinə müraciət etmək və müsbət cavab almaq lazımdır.
Saakaşvili isə bu fikirdədir ki, Gürcüstan vətəndaşlığını itirməsi onun ölkəyə qayıtmasına maneə olmayacaq. “Çünki Gürcüstana qayıtdığım anda xalqın özü vətəndaşlıqdan məhrum olunmağım barədə qərarın ləğvinə və barəmdə qaldırılan cinayət işlərinin dayandırılmasına nail olacaq”, - Saakaşvili deyib.
Odessa qubernatoru ölkəsinə qayıdışın dəqiq tarixini açıqlamayıb. Amma sabiq prezident ötən ilin sonunda bildirmişdi ki, 2015-ci ildə Gürcüstana qayıtmaq niyyətindədir.
Ömər Dağlı
-
Nida Xəbər 18:55
Ermənistanla sərhəddə işlərin 35 faizi yerinə yetirildi
-
Magazin118:00
"Elgiz və Zaur verilişinə getmək üçün mənə pul verir"
-
Nida Xəbər 17:25
İlham Əliyev Almaniyada mühüm tədbirdə çıxış etdi - Yeniləndi
-
Rəsmi xronika16:53
İlham Əliyevin Almaniya XİN rəhbəri ilə görüşü keçirildi
-
Nida Xəbər 16:06
İrəvandan Tehrana tərs şillə: Yeni qaz kəməri çəkilməyəcək
-
Rəsmi xronika15:18
Azərbaycanla Ermənistan arasında... - İlham Əliyev
-
Sağlamlıq14:56
Bu qan qrupuna aid olan insanlarda insult riski YÜKSƏKDİR
-
Dünya14:01
Sensasion iddia: Asiyada müharibə bu paslı gəmiyə görə başlayacaq - FOTO