İqtisadi gündəm

ARDNŞ gürcü kilsələrinə pulsuz qaz verəcək

5 May 2014 16:30

ARDNŞ kilsələrdə istifadə olunacaq təbii qazı öz hesabına ödəyəcək

Azərbaycan Dövlət Neft Şirkəti (ARDNŞ) Gürcüstan Patriarxiyası ilə saziş imzalayıb.

Publika.Az ARDNŞ-a istinadən bildirir ki, şirkət ilə Gürcüstanın Energetika Nazirliyi və Patriarxiyası arasında 2013-cü il oktyabrın 19-da tərtib edilmiş əməkdaşlıq haqqında protokola əsasən ARDNŞ qarşı tərəfin təqdim etdiyi siyahı üzrə bu ölkədə fəaliyyət göstərən dini ibadət ocaqları tərəfindən 2013-cü il noyabrın 1-dən 2014-cü il noyabrın 1-ə kimi məişət məqsədləri üçün istifadə olunan təbii qazın dəyərinin ödənilməsinə dair müqavilə imzalayıb.

Mayın 3-də ARDNŞ-nin Gürcüstan nümayəndəliyinin rəhbəri Mahir Məmmədovun imzaladığı müqaviləyə görə, şirkət Gürcüstanın pravoslav kilsə və monastırları, həmçinin müxtəlif dini konfessiyalara (kilsə-monastır, məscid və sinaqoq) məxsus müəssisələr tərəfindən bir il müddətinə istifadə olunmuş təbii qazın haqqını öz hesabına ödəyəcək.

İqtisadiyyat şöbəsi