İqtisadi gündəm

Erməni hərbçilər postlarını tərk etdilər

12 Avqust 2014 12:08

"Azərbaycan - Ermənistan qoşunlarının təmas xəttində sakitlikdir, silah səsləri azalıb. Zabit heyəti evə buraxılıb”.

Publika.az-ın məlumatına görə, bu barədə erməni mətbuatı yazır.

Son günlər bağlı olan təmas xəttinə aparan magistral yollar açılıb.

Qondarma Dağlıq Qarabağ respublikasının “müdafiə nazirliyi” açıqlama yayıb ki, son 10 gündür ki, sərhəddə gərgin şəkildə növbədə duran hərbi qulluqçular dincəlmək üçün evə buraxılıb.

Qeyd edək ki, iyulun 31-dən başlayaraq cəbhədə vəziyyət gərginləşmişdi. Erməni kəşfiyyat-təxribat qrupu Ordumuzun mövqelərinə basqın etsə də, əsgərlərimizin sayıqlığı nəticəsində qarşı tərəf xeyli itki verərək geri çəkilmişdi. Cəbhədə yaranmış gərginliklə əlaqədar avqustun 10-da keçirilən Soçi görüşündə Rusiya, Azərbaycan və Ermənistan prezidentləri Qarabağ münaqişəsinin həlli üçün sülh danışıqlarının davam etdirilməsinə razı olublar.