İqtisadi gündəm
Vəfa Quluzadə: “Azərbaycan çətin durumda...”
Sabiq dövlət müşaviri, politoloq Vəfa Quluzadə hesab edir ki, Azərbaycan xarici dövlətlərlə münasibətdə çətin vəziyyətlə üzləşib. Publika.Az-a açıqlamasında o, deyib ki, İranla gərgin münasibətdə olan ölkə Rusiyanın imperiya maraqları ilə qarşı-qarşıyadır, Qərb dövlətlərinin şərtləri ilə də hələlik razılaşa bilmir.
Azərbaycanın balanslaşdırılmış siyasət yürütdüyü ilə bağlı deyilənlərlə razılaşmayan Vəfa Quluzadə “ehtiyatlı siyasət” terminindən istifadəyə tərəfdardır: “Bunu ehtiyatlı siyasət adlandırsaq, daha doğru olar”.
Keçmiş dövlət müşaviri İranın mütəmadi olaraq Azərbaycan dövlətini təhdid etdiyini vurğulayıb: “İran ölkəmizə qarşı müxtəlif təxribatlar həyata keçirir. Azərbaycan tərəfi də İranın təhdid siyasətinə cavab vermək məcburiyyətində qalır. Rusiya ilə də münasibətlər normal deyil. Rusiya postsovet məkanında imperiya maraqlarını qorumağa çalışır.
Qərbə gəldikdə, Azərbaycandan real demokratik islahatlar tələb olunur. Buna görə də, dövlətimiz mütəmadi olaraq Qərb dövlətlərinin iradına tuş gəlir.
Vəziyyətdən ən düzgün çıxış yolu ölkədə demokratik islahatlar aparmaq, Qərbyönümlü siyasət yürütməkdir. O ki qaldı İlham Əliyevin NATO sammitinə qatılmasına, indiki halda prezident çox düzgün addım atıb və ənənəvi siyasətini davam etdirib”.
Azər Niftiyev
Publika.Az
-
Magazin118:00
"Elgiz və Zaur verilişinə getmək üçün mənə pul verir"
-
Nida Xəbər 17:25
İlham Əliyev Almaniyada mühüm tədbirdə çıxış etdi - Yeniləndi
-
Rəsmi xronika16:53
İlham Əliyevin Almaniya XİN rəhbəri ilə görüşü keçirildi
-
Nida Xəbər 16:06
İrəvandan Tehrana tərs şillə: Yeni qaz kəməri çəkilməyəcək
-
Rəsmi xronika15:18
Azərbaycanla Ermənistan arasında... - İlham Əliyev
-
Sağlamlıq14:56
Bu qan qrupuna aid olan insanlarda insult riski YÜKSƏKDİR
-
Dünya14:01
Sensasion iddia: Asiyada müharibə bu paslı gəmiyə görə başlayacaq - FOTO
-
Nida Təhlil 13:10
Türkiyə hərbçiləri Qarabağa niyə gətirilmişdi? - Əliyevin strateji planı