İdman

Saniyədə 148 dollar qazanan məşhur ağır əməliyyat olundu - FOTOLAR

2 Aprel 2014 13:00

Qolf üzrə dünya ulduzu, amerikalı çempion Tayqer Vuds ABŞ-da bu gün start götürəcək önəmli yarışlardan sayılan “Masterlər Turniri”ndən uzaq qalb.

Onun bu turnirdən uzaq qalmasına səbəb ağır əməliyyat keçirməsidir. Belə ki, Tayqer Vuds onurğa sümüyündə əməliyyat keçirdiyi üçün çempionatda iştirak etməyəcək.

İdmançının özü bu barədə açıqlama verib və bildirib ki, əməliyyat uğurlu keçib, lakin tam sağalması üçün ona bir müddət vaxt lazımdır.

Qeyd edək ki, qolf üzrə mötəbər yarışlarda Tayqer Vuds 14 dəfə çempion olub. Son bir neçə ildə isə o, çempionluq dərəcəsinə qalxmasa da, yarışların bir neçəsində qalib gəlib.

O, “Forbes”in açıqladığı siyahıya görə dəfələrlə dünyanın ən zəngin idmançısı seçilib. Onun saniyədə 148 dollar qazandığı da açıqlanmışdı.

Aygün İlqarqızı