İdman
AFFA bilet saxtakarlığına münasibət bildirdi
Bu gün Publika.az saytında dərc olunmuş “ABŞ-Azərbaycan oyununda yoxa çıxan 100 min dollar” başlıqlı yazıya AFFA-dan rəsmi münasibət gəlib.
Qeyd edək ki, yazıda vurğulanırdı ki, AFFA qarşılaşma üçün 500 bilet alıb və onu ABŞ-da yaşayan və təhsil alan həmyerlilərimizə paylamaq niyyətində olub. Ancaq nədənsə biletlər həmyerlilərimizə paylanılmayıb. Stadionda Azərbyacan millisini cəmisi 100 azarkeş izləyib ki, onlar da protokola uyğun olaraq AFFA-ya verilmiş biletlərin sahibləri olub.
AFFA-nın cavabını olduğu kimi təqdim edirik:
Hörmətli həmkarlar! Publika.az saytında dərc olunan “ABŞ-Azərbaycan oyununda yoxa çıxan 100 min dollar” başlıqlı yazıya AFFA-nın münasibətini verməyinizi xahiş edirik.
Məlumat üçün bildiririk ki, ABŞ-Azərbaycan milli komandaları arasında keçirilən beynəlxalq yoldaşlıq oyunu üçün protokola uyğun olaraq ABŞ Futbol Federasiyası tərəfindən AFFA üçün 100 bilet ayırılmışdı. Bundan əlavə, oyunda millimizə dəstək olmaq üçün ölkəmizin ABŞ-da olan səfirliyi, konsulluğu və baş sponsorumuz olan SOCAR-ın yerli nümayəndəliyi ilə əlaqə saxlanıldı. Beləliklə, baş konsul Nəsimi Ağayevin AFFA prezidenti Rövnəq Abdullayevə ünvanladığı rəsmi məktuba uyğun olaraq, orada yaşayan soydaşlarımız üçün AFFA-nın vəsaiti hesabına əlavə olaraq 500 bilet alınaraq aşağıdakı qaydada bölünüb və şəxsən rəsmi əməkdaşlara verilib.
1. Məmməd Talıbov (səfirlik) - 8 bilet
2. Nahid Ömərov (konsulluq) - 350 bilet
3. Rauf Məmmədov (SOCAR) - 205 bilet
4. Müstəqil 37 bilet (otelə və stadionun giriş qapısına gələn)
Qeyd edək ki, bu 500 bilet ən ucuz qiymətə – hər biri 35 dollara alınıb (Ödəniş kağızı əlavə olunur).
Biletlərin azarkeşlərə niyə paylanılmaması ilə maraqlanıb-maraqlanmadıqlarını öyrənmək üçün Mikayıl Nərimanoğlu ilə əlaqə saxladıq. AFFA sözçüsü bildirdi ki, bu məsələ onların özü üçün də müəmmalıdır:
“Bizim işimiz biletləri alıb onlara vermək idi. Ancaq çox təəssüf ki, biz orada həmin sayda azarkeş görmədik. Bunun səbəbi ilə maraqlananda bizə bildirdilər ki, biletləri paylamışıq, amma həmvətənlərimiz oyuna gəlməyiblər”.
-
Nida Xəbər 16:06
İrəvandan Tehrana tərs şillə: Yeni qaz kəməri çəkilməyəcək
-
Rəsmi xronika15:18
Azərbaycanla Ermənistan arasında... - İlham Əliyev
-
Sağlamlıq14:56
Bu qan qrupuna aid olan insanlarda insult riski YÜKSƏKDİR
-
Dünya14:01
Sensasion iddia: Asiyada müharibə bu paslı gəmiyə görə başlayacaq - FOTO
-
Nida Xəbər 13:32
İlham Əliyev Almaniyada mühüm tədbirdə çıxış etdi - Yeniləndi
-
Nida Təhlil 13:10
Türkiyə hərbçiləri Qarabağa niyə gətirilmişdi? - Əliyevin strateji planı
-
Sosial12:58
Sabah 32 dərəcə isti olacaq
-
Nida Xəbər 12:16
XİN Avropa Parlamentinə cavab verdi