İdman

Syomin 600 minlik futbolçunu bəyənmədi

27 Yanvar 2014 16:43

"Qəbələ"nin baş məşqçisi Yuri Syomin baxışda olan Marko Neni ilə bağlı qərarını verib. Publika.az xəbər verir ki, rusiyalı mütəxəssis afrikalı oyunçunun xidmətindən imtina edib.

Qeyd edək ki, mərkəz yarımmüdafiəçisi 2012-ci ildən çıxış etdiyi "Tavriya"da 14 oyun keçirib və 1 qol vurub.

Kot`d-ivuarlı futbolçu vətənində "Mimosas", Avropada isə "Beveren" (Belçika, 2003-2006, 64 oyun, l9 qol), "Olimpiakos" (Yunanıstan, 2006-2008, 14 oyun), "Jerminal" (Belçika, 2008, 10 oyun, 1 qol) və "Kuban" (Rusiya, 2009-2011, 44 oyun, 2 qol) klublarında çıxış edib.

2004-cü ildə o, Didye Droqbalı Kot`D-İvuar yığmasına dəvət alıb. Həmin il Emmanuel Ebue ilə birlikdə "Arsenal"a baxışa yollanıb. Lakin bəyənilməyib.

Məhşur "Transfermarkt" saytı ona 600 min avro qiymət qoyub.