İdman

“Qarabağ” analiz etməlidir”

21 Avqust 2014 11:51

Bu gün Avropa Liqasının pley-off mərhələsinin ilk oyunlarına start veriləcək. Təmsilçimiz “Qarabağ” “Tvente” klubu ilə üz-üzə gələcək.

Matç saat 21:00-da Tofiq Bəhramov adına respublika stadionunda baş tutacaq.

Tanınmış futbol mütəxəssisi Ağasəlim Mircavadov bu matçla bağlı danışdı.

Publika.az-a açıqlama verən Mircavadov təmsilçimizin uğur qazana bilməsi üçün nə etməli olduğunu deyib: “Öncə klub haqda yaxşı informasiya əldə etmək lazımdır. “Tvente” 3-4 il bundan əvvəl olduğu gücdə deyil. Bu müddət ərzində çox dəyişiklik olub. Çünki baş məşqçi dəyişikliyi eyni zamanda taktika və oyun tərzinin dəyişməsinə səbəb olur. Bunun üçün də komandanı dərindən analiz etməlidirlər. Birinci matçlar həmişə önəmli olub. Çünki cavab qarşılaşması üçün daha ciddi dəyişikliklər etmək mümkün olur. “Qarabağ”ın şansı isə göstərdiyi oyundan asılı olacaq”.

Aygün İlqarqızı