İdman

Prosineçkinin maaşı açıqlandı - O, ilinə bu qədər pul alacaq

3 Dekabr 2014 13:37

Jurnalistlərə açıqlama verən AFFA İcraiyyə Komitəsinin üzvü İsgəndər Cavadov deyib ki, R.Prosineçkinin qarşısına bu seçmə mərhələ üçün hansısa vəzifə qoyulmayıb: “Əsas məqsəd növbəti seçmə mərhələdə uğur qazanmaqdır”.

İ.Cavadov deyib ki, müqaviləyə əsasən, R.Prosineçki Azərbaycanda bir ilinə 1 milyon 200 min avro qazanacaq. O qeyd edib ki, sabiq məşqçi Berti Foqtsdan fərqli olaraq, Prosineçki millimizdə işlədiyi müddətdə əsasən Azərbaycanda yaşayacaq.

Xorvatiya yığmasının sabiq üzvü R.Prosineçki Serbiyanın “Srvena Zvezda” klubunu çalışdırıb. Eləcə də Xorvatiya millisində Slaven Biliçin köməkçisi işləyib.