İdman
“Berti Foqtsla dava edəsi deyiləm ki... ”
- Millimizin Macarıstan yığması ilə yoldaşlıq görüşündə gözlənilənlərin əksinə olaraq nəinki start heyətində, ümumiyyətlə, meydana çıxmadınız. Bu, sizə meydanda baş verənlərə kənardan daha aydın görməyə imkan verirdi. Məğlubiyyətimizin səbəbini nədə görürdünüz?
- Oynamamağım baş məşqçinin fikridir. Görüşdən əvvəl son məşqdə
keçirdiyimiz ikitərəfli oyunda heyətdə var idim, ancaq ertəsi
oyunda yox.
- İş ondadır, bu, hamımızı çaşdırdı. Bizə elə gəldi ki, ikitərəfli
oyundan sonra start heyətində çıxacaqsınız...
- Bu, baş məşqçinin fikridir. Heyəti müəyyənləşdirmək onun
səlahiyyətindədir. Mən heç nə deyə bilmərəm. Şans verərdisə, daha
yaxşı olardı. Vermədisə, normal şeydir.
- Əsas heyətdən kənardan qalmağınız şəxsən sizin üçün təəccüblü
olmalıdır. Çünki ikitərəfli oyunda əsas komandada sınanırsınız,
ancaq yeganə yaradıcı futbolçumuz olan sizin əvəzinizə heyətdə üç
eyni tipli futbolçuya - dayaq yarımmüdafiəçisinə yer verilir...
- Vallah, mən də bunun niyə belə olduğunu başa düşmədim. Foqts baş
məşqçidir, mən onunla gedib, dava edəsi deyiləm ki...
- Ancaq bildiyimizə görə, oyundan sonra narazılığınızı bildirdiniz.
Foqtsun tərcüməçinizə yaxınlaşıb, nəsə dediniz...
- Mən o mənada narazılıq etmədim ki, niyə meydana buraxmadı. Yox,
belə olmadı.
- Bəs nədən narazılıq etdiniz?
- Başqa söhbətimiz oldu. Bu, sırf oyunla bağlı deyildi. Komanda
oyunu uduzmuşdu. Fərqi yoxdur, Elvin oynadı, yaxud oynamadı.
- Ancaq siz yetərincə narazı, hirsli idiniz...
- Oynamayandan sonra kim hirsli olmaz ki? Oynamaq istəyərdim.
- Sizi anlayırıq. Meydanda yaradıcı futbolçu yox idi. Üç dayaq
yarımmüdafiəçisi vardı və bu, komandanın hücum futbolunu qurmağa
çətinlik yaradır...
- Yox, belə demək olmaz. Aleksandr Çertoqanov öz klubunda yaradıcı
futbol oynayır. Millidə də belə oynayır. Rahid Əmirquliyev dağıdıcı
futbolçu olmasına baxmayaraq, yaradıcı futbol oynayır. Bunun o
qədər dərinliyinə getmək lazım deyil. Sadəcə, bu, futboldur, oyuna
yaxşı başlamışdıq, normal oynayırdıq. Sonradan bir səhvimiz
qapımıza qolla nəticələndi.
- Oyundan sonra mətbuat konfransında Foqtsdan sizi oynatmamağının
səbəbini soruşduqda, “Elvin Məmmədovu heyətdə görmürdüm” cavabını
verdi. Baş məşqçi ikitərəfli oyunda əsas komandada oynadanları
hamısı Macarıstanla görüşdə start heyətində yer vardı, yeganə
dəyişiklik yalnız sizin Çertoqanovla əvəzlənməyiniz idi.
- Vallah, baş məşqçi məni buraxmadısa, nə deyə bilərəm?
- Oyundan sonra Foqts konkret sizinlə söhbət etdimi?
- Yox-yox. Bu, bir az pis çıxır ki, baş məşqçi gəlib, desin ki,
səni buna görə oynatmadım. O, baş məşqçidir, oynatmadısa, normal
şeydir.
- Son illərdə millimizin ən çox qol vuran futbolçusunuz, yetərincə
məhsuldar oynayırsınız. Ancaq buna rəğmən, çox oynamırsınız. Bunu
özünüzə qarşı haqsızlıq sayırsınız?
- Yox, saymıram. O mənada ki, bunlar normal şeydir. Heyəti qurmaq
baş məşqçinin işidir, Belə olan halda, mən nə deyə bilərəm? Elə
oyunlar olub ki, mən klubda oynamaya-oynamaya mənə şans verib.
- Klubunuz “Qarabağ”da bir aya yaxın eyni ölkədə hazırlıq keçdiniz.
Bu ağır toplanışdan sonra özünüzü necə hiss edirsiniz?
- Düzdür, bir ölkədə çox qalmaq bir az yorucudur. Türkiyədən yorğun
gəl, yenidən burada təlim-məşq toplanışı keç. Ancaq son 5-6 gündə
millidə komanda şəklində özümüzə gəldik.
- Ancaq hər halda, futbolçularda əməlli-başlı yorğunluq hiss
olunurdu?
- Düzdür. Bu da ağır məşqlərin keçməsi ilə bağlıdır.
- Real danışsaq, bu oyundan sonra Belçika ilə səfərdəki rəsmi
görüşdə nəyə ümid etmək olar?
- Avstriyaya məğlubiyyətdən sonra deyirdilər ki, Türkiyəyə
yeniləcəyik. Ancaq belə olmadı, udduq. Sırf Macarıstana
məğlubiyyətlə qəti fikir yürütmək olmaz. Dubayda 14 günlük
təlim-məşq toplanışı keçdik, gələn yeni futbolçular yoxlanıldı.
Məncə, bu toplanışın faydası oldu. İki oyun az şey deyil. Biri var
məşq edəsən, biri də var oynayasan.
- Sadəcə, Macarıstanla görüşdə yığmamızın ifasında zəif oyun
gördüyümüzdən, bədbinlik var. Yaradıcı planda ciddi problem vardı.
Təhlükələrimiz əsasən standart vəziyyətlərdən olurdu...
- Düzdür. Bunlar zamanla düzələsi şeylərdir. Təlim-məşq
toplanışlarında belə şeylər olur.
-
Ekologiya02:00
Güclü maqnit qasırğası başladı - Nələr olacaq?
-
İdman01:10
Mbappe gedəcəyini elan etdi - Bu oyunda vida mərasimi olacaq
-
Qoroskop00:43
Günün qoroskopu: planlar pozulacaq - Bunları edin!
-
İdman10 May 23:46
Lalə Kramarenko: Azərbaycanın təklifini qəbul etmək xəyanət olar
-
Sosial10 May 23:34
Dünya rekordçusu olan laçınlı nənə Heydər Əliyevlə bağlı xatirələrini bölüşdü - VİDEO
-
Ekologiya10 May 23:10
Günəşdə 25 ilin ən güclü partlayışı baş verdi
-
Art10 May 22:21
Murad Muradov süni nəfəs aparatına qoşulub - YENİLƏNDİ
-
Elm və təhsil10 May 22:00
Abituriyentlərin NƏZƏRİNƏ: nəticələr elan olundu