Muzdlu işçilərin sayı açıqlandı

2013-cü il dekabrın 1-də, iqtisadiyyatın muzdla çalışan işçilər sayı 1505,9 min nəfər olub.

Publika.Az-ın Dövlət Statistika Komitəsinə istinadən verdiyi xəbərə görə, onlardan 901,8 min nəfəri iqtisadiyyatın dövlət bölməsində, 604,1 min nəfəri isə qeyri-dövlət bölməsində fəaliyyət göstərib.

Muzdla işləyənlərin 22,7 faizi təhsildə, 18,8 faizi ticarət, nəqliyyat vasitələrinin təmiri sahəsində, 12,3 faizi sənayedə, 8,7 faizi əhaliyə Səhiyyə və sosial xidmətlər göstərilməsində, 7,1 faizi tikintidə, 4,9 faizi nəqliyyat və anbar təsərrüfatında , 3,7 faizi peşə, elmi və texniki fəaliyyət sahəsində, 2,9 faizi kənd təsərrüfatı, meşə Təsərrüfatı və balıqçılıq sahəsində, 1,8 faizi informasiya və rabitə sahəsində və 17,1 faizi iqtisadiyyatın digər sahələrində məşğul olublar.

İqtisadçı ekspert Ramil Osmanlı Publika.Az-a bildirib ki:

“Azərbaycan qanunvericiliyi bu cür fəaliyyət tərzinə imkan verir. Təbii ki, bu fəaliyyət növünün özü işsizliyin aradan qaldırılmasında əsas istiqamətlərdən biridir.

İşə götürənlə işçi arasında münasibətlərin qanunvericiliklə tənzimlənməsi kifayət qədər normal bir haldır. Ən vacib məqamlardan biri isə məhz işə götürənin deyil, işçi hüquqlarının pozulmasının qarşısının alınmasıdır. Gələcəkdə sosial təminat məsələlərinin həll olunması baxımından əhəmiyyətli məsələdir.

Bu praktika bütün dünyada var və Azərbaycanda bundan lazımınca faydalanmalıdır və tədricən dərinləşən formada davam etməlidir”.

Odər Qəni