Ekopublika.az

Neft istehlakı bu il gündəlik 92,5 milyon barelə çata bilər

22 Yanvar 2014 10:58

Beynəlxalq Enerji Agentliyi, neft istehlakının gözləniləndən daha sürətli artacağını açıqlayıb. Publika.Az xəvər verir ki, hesabatda Amerika Birləşmiş Dövlətləri kimi inkişaf etmiş ölkələrdəki iqtisadi düzəlmənin 2013-cü ilin sonunda neft istehlakının artmasına səbəb olduğu bildirilib.

Agentlik Çin iqtisadiyyatında artımın yavaşlamasına rəğmən enerji istehlakının artmasına da diqqət çəkib. Beynəlxalq Enerji agentliyi 2012-ci ildə gündəlik 90 milyon barel olan neft istehlakının keçdiyimiz il 91,2 milyon barelə çatdığını da qeyd edib. Neft istehlakının bu il gündəlik 92,5 milyon barelə çıxmasının gözlənildıyini açıqlayıb.

Agentliyin aylıq hazırladığı neft bazarı hesabatında sabit qiymətə qarşı bazarda böyük dəyişmə yaşandığı ifadə edilib. İstehlak artımının inkişaf etməkdə olan ölkələrdən deyil, Amerika Birləşmiş Dövlətlərindəki tələb artımından qaynaqlandığı vurğulanıb.

Leyla Aliyeva