Magazin1
Xanımı Habil Əliyevin sirrini açdı: “Bu sevgiyə mane olmadım” - ÖZƏL
Dünən xalq artisti, ustad sənətkar Habil Əliyev 88-in kürəyini yerə vurub. Ay maşallah!
Doğum gününü ailə üzvlərinin əhatəsində qeyd edən sənətkar təəssüratlarını Publika.az-la bölüşüb: “Qızlarım, nəvələrim, əzizlərim yığışdılar, evdə mənə təmtəraqlı ad günü keçirdilər. Şəkidə qeyd edəcəkdik, amma Şərqiyyə imkan vermədi. Qorxdu ki, soyuqlayaram, səhhətim pisləşər. Ad günümü yüksək əhvali-ruhiyyə ilə qeyd etdim. Telefonlarımız da susmadı, zəng-zəng dalınca”.
Xalq artistinin doğum günündə aldığı hədiyyələrə gəlincə, sənətkar “bunu Şərqiyyədən soruşun” dedi.
Fürsəti fövtə vermədik, xanımından ustadla bağlı bəzi sirləri də öyrəndik.
Şərqiyyə xanım Habil Əliyevin sevdiyi hədiyyələri nəinki ildə-ayda bir dəfə, hər gün aldığını bildirdi: “Habil gülləri çox sevir, ölür çiçəklərdən ötrü. Dünyanın naz-nemətini, ən bahalı hədiyyələri al gətir, Habil üçün heç nədir. Amma onunku bir dənə güldür. Ev-eşik gül-çiçəklə doludur, hər kəs ona təzə-tər gül dəstələri göndərdi. Hətta özündən də hündür gül dəstələri bağlatdırmışdılar. Bunu heç kim bilmir, amma mən lap cavanlıqdan bilirəm ki, Habil gülləri çox sevir, buna görə də hər gün evə təzə güllər alıb qoyuruq. Habilin ad günü kamançasız keçmədi. Düzdür, kamançada ifa etmədi, amma onu dünyada məşhur edən alətini yanına qoydurdu. Mən bilirəm ki, Habil kamançanı canından çox istəyir”.
Şərqiyyə xanım, heç kamançanı Habil müəllimə qısqanmamısınız ki?
“Nə danışırsan ay qızım, bu, mümkün olan şey deyil. Mən özüm də onun sevdiyini ondan artıq sevmişəm. Bu sevgiyə mane olmadım. Çünki Habili Habil edən kamançası olub. Habil heç vaxt ona xəyanət etməyib”- deyən Şərqiyyə xanımın cavabı belə oldu.
Cəvahir Səlimqızı
-
Qoroskop00:45
Günün qoroskopu: hadisələrin axarına müdaxilə etməyin, çünki...
-
Magazin126 Aprel 23:26
Xumar Qədimova daha bir məşhur şeiri mahnıya çevirdi - VİDEO
-
İnanc26 Aprel 23:02
Həcc ziyarəti ilə bağlı zəvvarlara XƏBƏRDARLIQ
-
Region26 Aprel 22:37
Başqa çıxış yolumuz yoxdur - Paşinyan
-
Hadisə26 Aprel 21:47
Dörd aylıq körpə binadan necə düşüb? - Hadisə yerindən GÖRÜNTÜLƏR
-
Magazin126 Aprel 21:35
Günelə nə olub? - Xəstəxanadan görüntüsünü paylaşdı və... - FOTO
-
Hadisə26 Aprel 21:10
Qırmızı işıqda keçən nazirin maşını aşdı - FOTO
-
Magazin126 Aprel 20:22
Müğənni Yalının qohumu sevgilisi tərəfindən qətlə yetirildi - FOTO