• USD 1,7430 0,00% EUR 1,8487 0,00%
    • GBP 2,1929 0,00% RUB 0,0275 0,00%

Bu şəhərin sakinləri yalnız qadınlardır – FOTO

  • Maraqlı
  • 28 Avqust 2014 17:24
  • 811 Baxış
Bu şəhərin sakinləri yalnız qadınlardır – FOTO

Yalnız qadınlar tərəfindən məskunlaşmış Braziliyanın Noiva du Kordeyru şəhərinin sakinləri, Yer kürəsində yaşayan kişilərə onlarla daimi yaşamaq üçün müraciət edib.

Şəhərdə yaşı 25-35 olan 600 qadın yaşayır. Onlar romantik münasibət qurmaq və nikaha daxil olmaq istəyirlər. Onlar ərə getmək haqda istəklərini mətbuat və "Facebook" sosial şəbəkəsi vasitəsi ilə bildiriblər.

Noiva du Kordeyru sakinləri yalnız subay kişilərlə maraqlanır. Bu şəhərin sakinləri arasında matriarxat sistemi fəaliyyət göstərdiyi üçün kişilər onların şərtləri ilə razılaşmalıdırlar. Qadınlar şəhərin təsərrüfat və kommunal işlərini görməyə alışıblar.

Noiva du Kordeyru şəhərinin sakinlərinin bir hissəsi evlidir və uşaqları da var. Lakin onların ərləri və oğulları ayrı şəhərdə yaşayır. Bu səbəbə görə də, Noiva du Kordeyru şəhərinə bazar günlərində yalnız bir neçə kişi buraxılır.

Noiva du Kordeyru şəhərinin qadınlarının mətbuata verdiyi məlumata görə, onlar artıq neçə illərdir ki, kişi ilə öpüşməyiblər də. Qadınlar sevmək və ərə getmək arzusunda olduğunu deyiblər.

Qızların çağırışına artıq dünyanın müxtəlif yerlərindən səs verən tapılıb. Ən çox Braziliya, Hindistan, ABŞ, Misir, BƏƏ, Çin, Puerto-Rikodan olan subay kişilər bu qadınlarla ailə qurmağa hazır olduğunu deyiblər.

Noiva du Kordeyru (Noiva do Cordeiro portuqal dilindən tərcümədə "Kordeyru gəlini" deməkdir) 1891-ci ildə Mariya Senyorina de Lima tərəfindən qoyulub. Qadının ərinə etdiyi xəyanətin üstü açılıb və o, ailəsini tərk etməli olub. Lima qadınlardan ibarət məskən qurub. O, hətta katolik kilsədən də qovulub. Keşişlər onun nəslini mürtəd elan ediblər.

Nura

Xəbər lenti

DAHA ÇOX XƏBƏR