29 yaşlı qadın 80 yaşlı qarıya çevrildi – FOTOLAR

Belə bir fikir var ki, qadın dünyaya uşaq gətirdikdən sonra qocalır. Lakin çinli qadın ana olduqdan sonra daha çox 80 yaşlı nənəyə oxşayıb. Səbəb isə onun nadir xəstəlikdən əziyyət çəkməsidir.

Publika.az xarici mətbuata istinadən məlumat verir ki, Çin sakini 29 yaşlı Xu Cuan 2003-cü ildə övlad dünyaya gətirib. Bundan sonra qadının siması qəfildən dəyişməyə başlayıb. Həkimlər qadına dermatoliz diaqnozu qoyublar. Bu xəstəliyə düçar olan insanlarda bitişdirici toxumalar sıradan çıxır. Nəticədə, insanın dərisi elastikliyini itirir və sallanmağa başlayır.

Belə xəstəlikdən əziyyət çəkən insanlar öz yaşlarından dəfələrlə böyük görünürlər. ABŞ Milli Səhiyyə İnstitutunun verdiyi məlumata görə, dünyada 200 insan belə xəstəlikdən əziyyət çəkir.

Gənc ana isə güzgüyə baxmaqdan və küçəyə çıxmaqdan imtina edir. Qadının sözlərinə görə, onun oğlu da anasından utanır və yoldaşlarına onu anası kimi təqdim etmir.

Xu iki dəfə intihara cəhd edib, lakin ərinin dəstəyi nəticəsində sağ qala bilib.

Bu yaxınlarda isə Xu Şanxay xəstəxanalarının birində əməliyyat keçirdib. Həkimlər qadının dərisinə elastikliyi qaytara biliblər.

Nura