Nida.az
“Nezavisimaya qazeta”: “Brüssel və Moskva Bakıda savaş açdı”
İyunun 12-i Avropa Komissiyasının prezidenti Joze Manuel Barrozu Bakıya iki günlük səfərə gəlir. Onun ardınca Rusiya desantı Azərbaycanda olacaq. Belə ki, 17-18 iyun tarixində Rusiya xarici işlər naziri Sergey Lavrov, ardınca da Rusiya baş nazirinin müavini Dmitri Roqozinin başçılığı ilə nüfuzlu Rusiya nümayəndəsi Bakıda olacaq.
Rusiyanın nüfuzlu “Nezavismaya qazeta” nəşri bu səfərləri təsadüfi
hesab etmir və Bakının geosiyasi proseslərin episentrində olduğu
kimi şərh edir. Publika.az xəbər verir ki, nəşr Barrozunun Bakı
səfərini Avropa İttifaqının “Şərq Tərəfdaşlığı” proqramını xilas
etmək kimi qiymətləndirir. Ehtimal edilir ki, Brüssel Ukraynadakı
böhranın səbəbi olan bu layihəyə Bakının meyilləndirilməsinə ümid
edir. Lakin bu ümidlərin reallaşması çətin görünür. Çünki Bakı
dəfələrlə bildirib ki, Avropa İttifaqı ilə bərabərhüquqlu
münasibətlərin tərəfdarıdır və elə buna görə Aİ ilə Assosiativ
sazişdən imtina etdi.
Rusiya xarici siyasət idarəsinin rəhbəri Lavrovun Bakı səfəri isə proseslərə intriqa qatır. Lavrovdan sonra Dmitri Roqozinin Bakı səfəri Ermənistanın Avrasiya İttifaqına qəbulu üçün gözlənilən qərardan dərhal sonra baş verəcək.
Nəşr yazır ki, Moskvanın Bakıya anlatmaq istədiyi “Ermənistan
Avrasiya İttifaqına daxil olsa da, Rusiya Azərbaycanla strateji
əməkdaşlığı saxlamaqda maraqlıdır” məsələsidir.
Yerli politoloqlar hesab edirlər ki, Lavrovun səfəri zamanı
Azərbaycanın Avrasiya İttifaqına üzvlük perspektivləri müzakirə
ediləcək və Rusiyanın bir sıra əhəmiyyətli təklifləri diqqətə
çatdırılacaq.
Bu təklifi daha öncə Rusiya iqtisadi inkişaf naziri Aleksey
Ulyukaev Bakıda irəli sürmüşdü. Qazaxıstan prezidenti Nursultan
Nazarbayev də eyni təkliflə çıxış etdi. Lakin Bakı Avropa İttifaqı
ilə Avrasiya İttifaqı arasında eyni məsafəni saxlamaqda
israrlıdır.
Nəşr Brüssel və Moskvanın Bakıda savaş açdığını yazır və bu planda Bakı-Moskva münasibətlərini uğurlu hesab edir. Belə ki, iki ölkə arasında ticarət əlaqələri müvəffəqiyyətlə inkişaf edir. 2013-cü il əmtəə dövriyyəsinin həcmi 3,5 milyard dollar təşkil edib. Bu 2012-ci illə müqayisədə 4 faiz çoxdur. Bununla yanaşı, Rusiyanın ixracı 2,9 milyard, idxal isə 64 milyon dollardır. İyunun 23-24-də Qəbələdə keçiriləcək Azərbaycan-Rusiya regionlararası V forumu da bu münasibətlərə istilik gətirəcək.
Nəşr yazır ki, bu səfərlərdən sonra Bakının siyasi kursunda
dəyişiklik gözləmək çətindir. Bakı hər iki tərəflə məsafəli və isti
münasibətlərin qorunmasını izləyəcək.
Asif Nərimanlı
-
Magazin208:00
Şakira açıq-saçıq geyimi ilə heyrətləndirdi - FOTO
-
Yaxın Şərq07:30
"Hizbullah" İsraili artilleriyadan atəşə tutdu
-
Dünya06:46
ÜST-dən siqaretlə bağlı HƏYƏCAN TƏBİLİ: "Gənclərin 57%-i..."
-
Sosial05:15
Anasından asılı olan qızların 5 ƏLAMƏTİ - Sonrakı həyat necə olacaq?
-
Sosial03:13
Özünü qadına görə güllələdiyi deyilən Nəsib Quliyevin övladları və xanımı yasda İŞTİRAK ETMƏDİLƏR
-
Dünya02:12
Qadınlar SİLAHA SARILDILAR: əxlaqsızlığı təşviq edən festival LƏĞV EDİLDİ
-
Magazin100:45
Könül Kərimova estetik əməliyyat etdirdi - FOTO
-
Qoroskop00:15
Günün ULDUZ FALI: qarşıdurmalar ola bilər