Nida.az
Türk PA-nın V plenar iclası - Yenilənir
11:56
Türk PA-nın Bakıda keçirilən V plenar iclasında çıxış edən TBMM sədri Cəmil Çiçək “Şimali Kipr Türk Cümhuriyyəti, Özbəkistan, Türkmənistan Türk Pa-ya üzv olmalıdır”.
Publika.Az xəbər verir ki, bu barədə Türk PA-nın Bakıda keçirilən V plenar iclasında Türkiyə Böyük Millət Məclisinin (TBMM) sədri Cəmil Çiçək çıxışı zamanı deyib. Hazırda bu istiqamətdə işlərin aparıldığını deyən TBMM sədri Cəmil Çiçək qeyd edib ki, Macarıstan da qurumda müşahidəçi qismində üzvü ola bilər.
Krım tatarlarının probleminə toxunan C. Çiçək qeyd edib ki, tatarlar Ukraynanın tərkibində sivil yaşamaq hüququna malikdir: “Türk xalqlarının sevinci sevincimiz, kədəri kədərimiz olmalıdır”.
C. Çiçək Dağlıq Qarabağ problemindən də danışıb. Bildirib ki, Dağlıq Qarabağ münaqişəsi beynəlxalq hüquq çərçivəsində həll olunmalıdır: “Bu məsələdə Türkiyə hər zaman Azərbaycana dəstək olub”.
TBMM sədri qeyd edib ki, Parlament Assambleyası türk xalqlarını
bir araya gətirmək üçün mədəniyyətlərarası əlaqələri gücləndirməli,
ictimai-siyasi xadimlərin, elm adamlarının qarşılıqlı səfərlərini
təşkil etməlidir.
11:36
Bu gün Türkdilli ölkələrin Parlament Assambleyasının (Türk PA) V plenar iclası öz işinə başlayıb.
Publika.Az xəbər verir ki, iclasda türkdilli dövlətlərin rəsmi nümayəndələri iştirak edir. İlk olaraq iclasın gündəliyi qəbul olunub.
Türk PA-nın fəaliyyətdə olan sədri, Milli Məclisin sədri Oqtay
Əsədov çıxışında bildirib ki, bu gün bizlərin bir araya gəlməsinin
səbəbi Türk PA-nın V plenar iclasında iştirak etməkdir: “Əminəm ki,
sessiya işini uğurla başa vuracaq. Türk PA-nın dünyadakı nüfuzu
günbəgün artır. Buna birgə səylər nəticəsində nail olmuşuq.
Təşkilat çərçivəsində görülən işlər türk dövlətləri arasında
inteqrasiyanın daha da dərinləşməsinə xidmət edir”.
Spiker qurumun təsis edilməsində və səmərəli fəaliyyətində dövlət
başçılarının iradəsinin mühüm rol oynadığını vurğulayaraq,
Türkdilli Ölkələrin Əməkdaşlıq Şurasının bu yaxınlarda Bodrumda
keçirilən iclasının nəticələrini yüksək dəyərləndirib:
“Azərbaycan-Türkiyə münasibətləri dünyada analoqu olmayan
münasibətlər olmaqla yanaşı, həm də türk dünyasının daha sıx
inteqrasiyası üçün bir növ özül rolu oynayır. Bu gün Azərbaycanla
Türkiyə həyatın bütün sahələrində əməkdaşlıq edir. İndiyədək
dövlətlərimiz arasında 190-na yaxın sənəd imzalanıb, daha 15-i isə
baxılmaq üzrədir”.
İqtisadi əlaqələrdən söhbət açan sədr ticarət dövriyyəsinin həcmini daha da artırmaq üçün geniş imkanlar olduğunu söyləyib: “Ölkələrimizin iqtisadiyyatına qarşılıqlı investisiyalar qoyulur. Azərbaycanın Türkiyədə investisiya yatırımının həcmi 4,5 milyard ABŞ dolları civarındadır. Gələcəkdə bu göstəricinin 20 milyarda çatdırılması nəzərdə tutulur. Birgə həyata keçirdiyimiz transmilli enerji, nəqliyyat layihələri nəinki bölgənin, o cümlədən Avropanın enerji təhlükəsizliyinin təmin olmasında mühüm rol oynayır. Xüsusilə qeyd etmək lazımdır ki, Azərbaycanın dövlət büdcəsi 20 milyarddan çox olub”.
Parlamentin sədri çıxışında həmçinin Ermənistan-Azərbaycan
Dağlıq Qarabağ münaqişəsi məsələsinə də toxunub. O bildirib ki,
Azərbaycan torpaqları 20 ildən çoxdur ki, ermənilərin işğalı
altındadır: “İnanıram ki, tezliklə münaqişə beynəlxalq qurumların
dəstəyi ilə öz həllini tapacaq”.
Asif
-
Gözəllik02:43
Onun tumu qızıl qədər dəyərli imiş... - Botoks effekti verir
-
Ekopublika.az02:19
Bakının bu ərazisi PLANA DÜŞDÜ - Tezliklə söküləcək
-
İdman01:15
Arda tarixi matçında belə qol vurdu - VİDEO
-
Qoroskop00:45
Günün qoroskopu: hadisələrin axarına müdaxilə etməyin, çünki...
-
Magazin126 Aprel 23:26
Xumar Qədimova daha bir məşhur şeiri mahnıya çevirdi - VİDEO
-
İnanc26 Aprel 23:02
Həcc ziyarəti ilə bağlı zəvvarlara XƏBƏRDARLIQ
-
Region26 Aprel 22:37
Başqa çıxış yolumuz yoxdur - Paşinyan
-
Hadisə26 Aprel 21:47
Dörd aylıq körpə binadan necə düşüb? - Hadisə yerindən GÖRÜNTÜLƏR