Nida.az
Müsavat Məclisi toplandı, yeni seçki keçirilir: İbadoğludan boykot
Bu gün Müsavat Partiyasının Məclisinin toplantısı keçirilib. Bu
toplantı yeni başqan Arif Hacılının ilk toplantısı hesab olunur.
Toplantıda keçmiş başqan İsa Qəmbər də iştirak edir.
Publika.az xəbər verir ki, çıxış edən Arif Hacılı Müsavat
Partiyasının 103 yaşının tamam olması münasibəti ilə
partiyadaşlarını təbrik edib.
75 Məclis üzvündən 50-si toplantıda iştirak etdiyi üçün yetərsay
hesab olunub.
Müsavatın qurultayında seçki komissiyasının sədri olmuş Mirbaba
Babayev narazılıqlarla bağlı fikrini bildirib.
“Narazılıqları boğmaq olmaz, onları dinləmək lazımdır. Qurultayda
səs vermənin kabinələrdən kənarda aparılması vaxt azlığı ilə bağlı
idi. Biz hesabladıq, bir nəfərin səs verməsi üçün 12-15 dəqiqə vaxt
lazım idi. Hər kəs kabinetdə səs versəydi, seçki axşam saat 10-da
da qurtarmayacaqdı. Buna görə özümüz kabinetdən kənarda
bülletenlərin işarələnməsinə razılıq verdik”, -deyə o bildirib.
Narazılardan olan Ellada Məmmədli isə qeyd edib ki, bu hal
səsvermənin kabinetlərdən kənarda keçirilməsinə haqq
qazandırmır.
M. Babayev narazıların şikayət etmək hüququnun olduğunu deyib. E.
Məmmədli bu hallarla bağlı Nəzarət Təftiş Komissiyasına şikayət
edəcəklərini açıqlayıb.
Toplantıda Məclisin növbəti toptantısının oktyabrın 25-də
keçirilməsi də qərara alınıb. Həmin tarixdə Məclis sədrliyinə və
Divan üzvlüyünə və katibliyinə seçki olacaq. Namizədlər üç gün
qalmışa qədər irəli sürülə bilər.
Arif Hacılı bildirib ki, Məclis üzvləri boş 38 yerin hamısına,
yoxsa bir qədər az yerə seçki keçirilməsini müzakirə edə bilər.
Bundan sonra 30, yaxud 38 nəfərin seçilməsi üçün səsvermə
keçirilib. İki təklif verilib. A. Hacılı təklif edib ki, 30 yerə
seçki keçirilsin və 8 yer sonradan namizəd olmaq istəyənlər üçün
keçirilsin. Bu təklifi dəstəkləyənlərin sayı cəmi 35nəfər olub və
qəbul olunmayıb.
Mirbaba Babayev isə təklif edib ki, 38 yerin hamısına seçki
keçirilsin, ancaq bu təklif də səsvermədə 30 səs toplayıb və qəbul
olunmayıb.
Başqan isə “Bəs indi necə olacaq?”,- deyə sual verib.
Keçmiş başqan İsa Qəmbər söz istəyib və təklif edib ki, 32 yerə
seçki keçirilsin. Məclis üzvləri bu təklifi yekdilliklə qəbul
edib.
Daha sonra MNTK-ya və Məclis üzvlüyünə namizədliyini verən
müsavatçıların adları açıqlanıb. Bir neçə nəfər çıxışında gənclərə
dəstək olmağı, onları Məclis üzvlüyünə seçməyi təklif edib.
İsa Qəmbər də söz alaraq gənclərə, qadınlara və məhbəs həyatı
yaşayan müsavatçılara səs verməyi xahiş edib.
Arif Hacılı Tural Abbaslının Məclis üzvü olması üçün ona səs
verməyə çağırış edib.
MNTK-ya 11, Məclisə isə 65 nəfər namizəd olub.
Məclis üzvlüyünə namizədlər arasında Gülağa Aslanlı, Alya Yaqublu,
Könül Şamilqızı, Tural Abbaslı, Cavid Hacıbəyli, Rüfət Hacıbəyli,
Əhəd Məmmədli, Nemət Kərimli, Razim Əmiraslanlı da var.
A. Hacılı səsvermənin başlandığını və iki saat davam edəcəyini
deyib.
Qeyd edək ki, Qubad İbadoğlu tərəfdarlarından əksəriyyəti Məclisin
iclasına qatılmayıb. Vurğun Əyyub, Hikmət Hacızadə, Əhliman Abbaslı
tədbirdə iştirak etməyib.
Asif Nərimanlı
-
Ekologiya02:00
Güclü maqnit qasırğası başladı - Nələr olacaq?
-
İdman01:10
Mbappe gedəcəyini elan etdi - Bu oyunda vida mərasimi olacaq
-
Qoroskop00:43
Günün qoroskopu: planlar pozulacaq - Bunları edin!
-
İdman10 May 23:46
Lalə Kramarenko: Azərbaycanın təklifini qəbul etmək xəyanət olar
-
Sosial10 May 23:34
Dünya rekordçusu olan laçınlı nənə Heydər Əliyevlə bağlı xatirələrini bölüşdü - VİDEO
-
Ekologiya10 May 23:10
Günəşdə 25 ilin ən güclü partlayışı baş verdi
-
Art10 May 22:21
Murad Muradov süni nəfəs aparatına qoşulub - YENİLƏNDİ
-
Elm və təhsil10 May 22:00
Abituriyentlərin NƏZƏRİNƏ: nəticələr elan olundu