Nida.az
“Əli İnsanov müraciət edərsə...” - sabiq nazir Milli Şuraya sədr gətirilir?
“Əli İnsanovun Milli Şuraya sədr gətirilməsi kimi xəbərlər tamamilə
əsassızdır. Bu məsələ ümumiyyətlə Milli Şura çərçivəsində müzakirə
olunmayıb və bu fikrin heç bir qaynağı yoxdur”.
Bu barədə Milli Şuranın üzvü, AXCP sədrinin müavini Fuad
Qəhrəmanlı Publika.Az –a açıqlamasında sabiq səhiyyə
naziri Əli İnsanovun azadlığa çıxacağı və Milli Şuraya sədr olacağı
ilə bağlı yayılan xəbərlərə münasibət bildirərkən deyib.
F. Qəhrəmanlı qeyd edib ki, Ə. İnsanovun Milli Şuraya üzvlük
məsələsi belə müzakirə olunmayıb. Onun sözlərinə görə, bu, Əli
İnsanovun özü tərəfindən müraciət olarsa müzakirə oluna bilər:
“İndiki halda Əli İnsanov müraciət etməyib, necə müzakirə ola
bilər. Əgər onun tərəfindən müraciət olarsa, bunun müzakirəsi
mümkündür. Hər kəs Milli Şuraya üzvlüklə bağlı müraciət edə bilər
və bu Milli Şuranın sessiyasında müzakirə olunur. O cümlədən, Əli
İnsanov da üzvlük üçün Milli Şuraya müraciət edə bilər, yalnız o
zaman bu məsələyə sessiyada baxılacaq və müvafiq qərar qəbul
ediləcək”.
F. Qəhrəmanlı əlavə edib ki, Əli İnsanov da seçkidə bütün
Azərbaycan xalqı kimi cəmiyyətin gələcəyini, onun demokratik
inkişafını əsas götürərək Cəmil Həsənliyə səs vermişdi: “Bu onun
tərəfindən atılmış müsbət və xalqın maraqlarına uyğun bir mövqe
idi”.
Qeyd edək ki, “Yeni Müsavat” qəzeti hazırda həbsdə olan sabiq
səhiyyə naziri Əli İnsanovun Milli Şuranın sədri və ya
həmsədrliyinə gətirilməsi təklifinin irəli sürüldüyünü
yazıb.
Qəzetə görə, kifayət qədər məhdud dairədə aparılan danışıqlarda
Milli Şuraya sədr və ya həmsədr seçilməsinə razılıq verməsi üçün
Əli İnsanova müraciət göndərilməsinin vacibliyi təklifi səslənib.
Əli İnsanovun təklifi necə qarşılayacağı bəlli olmadığından,
hələlik məsələ barədə ictimaiyyətə, o cümlədən Milli Şuranın sıravi
üzvlərinə heç bir rəsmi informasiya verilməməsi qərara alınıb.
Asif
-
Magazin118:00
"Elgiz və Zaur verilişinə getmək üçün mənə pul verir"
-
Nida Xəbər 17:25
İlham Əliyev Almaniyada mühüm tədbirdə çıxış etdi - Yeniləndi
-
Rəsmi xronika16:53
İlham Əliyevin Almaniya XİN rəhbəri ilə görüşü keçirildi
-
Nida Xəbər 16:06
İrəvandan Tehrana tərs şillə: Yeni qaz kəməri çəkilməyəcək
-
Rəsmi xronika15:18
Azərbaycanla Ermənistan arasında... - İlham Əliyev
-
Sağlamlıq14:56
Bu qan qrupuna aid olan insanlarda insult riski YÜKSƏKDİR
-
Dünya14:01
Sensasion iddia: Asiyada müharibə bu paslı gəmiyə görə başlayacaq - FOTO
-
Nida Təhlil 13:10
Türkiyə hərbçiləri Qarabağa niyə gətirilmişdi? - Əliyevin strateji planı