Nida.az
Arif Hacılıya qarşı çıxanlar yeni qurum yaratdı - Şok
Müsavatın hazırkı başqanı Arif Hacılının əleyhdarları olan Səxavət Əlisoy və Müsavat Məclisinin keçmiş üzvü Adil Qeybulla yeni qurum yaradıb.
Publika.az xəbər verir ki, hər iki müsavatçının
yaydığı bəyanatda deyilir ki, Azərbaycanda siyasi dialoq
mədəniyyətinin inkişafı, ölkədə vətəndaş həmrəyliyinin yaradılması,
ictimai-siyasi stabilliyin qorunması naminə Azərbaycan
Konstitusiyasının, Mülki Məcəllələrinin, Qanunlarının və
qanunverici aktlarının çərçivəsində ictimai-siyasi fəaliyyət
göstərmək üçün Siyasi Dialoq və İslahatlar Mərkəzi (SDİM)
yaratdığımızı bəyan edirik: “SDİM ictimai-siyasi yönümlü
qeyri-hökumət təşkilatıdır. Siyasi dialoq cəmiyyətdə vətəndaş
razılığına, sosial gərginliyin aradan qaldırılmasına, taktiki hədəf
olaraq ölkənin yaxın dövr üçün təhlükəsizliyinin təminatına,
strateji planda isə demokratik dəyərlərin və təsisatların bərqərar
olmasına yönəlik siyasi prosesdir.
Bu gün qloballaşan dünyada gedən proseslərin təhlili göstərir ki, fundamental prinsiplərin bazasında və beynəlxalq hüquqa söykənən standart parametrlər çərçivəsində dinamik reformasiya, ölkələrin qarşılıqlı faydalı inteqrasiya prosesləri, insan rifahının yüksəlməsinə yönəlik iqtisadi siyasət qəbul edilmiş alternativsiz yoldur. Təşkilatın məqsədi siyasi partiyalar, siyasi bloklar, qeyri-hökumət təşkilatları arasında dialoqun konseptual əsaslarının hazırlanmasında, dialoqun təşkilində fəal iştirak etmək, siyasi dialoq nəticəsində əldə edilmiş razılaşmaların həyata keçirilməsinə yardımçı olmaq və bu prosesə ictimai nəzarəti təşkil etmək, eyni zamanda, siyasi-iqtisadi və ictimai həyatın müxtəlif sahələrində islahatlarla bağlı təkliflər hazırlamaq, ictimai rəyi öyrənmək üçün sorğular keçirməkdən ibarətdir. Torpaqlarımızın 20 faizinin düşmən işğalında olduğunu, məlum xarici qüvvələrin dövlətçiliyimiz üçün təhlükə mənbəyi olaraq qaldığını əsas götürərək, ölkədə vətəndaş həmrəyliyinin güclənməsi naminə iqtidar-müxalifət dialoquna nail olmaq üçün fəaliyyət göstərəcəyimizi xüsusi olaraq bəyan edirik”.
Qeyd edək ki, Adil Qeybulla seçkidə məğlub olan Qubad İbadoğlunun
tərəfdarı idi. S. Əlisoy da seçki günü son anda namizədliyini onu
xeyrinə geri götürmüşdü. S. Əlisoy yeni başqan Arif Hacılıya qarşı
sərt çıxışları ilə seçilir. O hətta yeni başqanı tanımayacağını
açıqlayaraq, partiyadan istefa verməyi də istisna etməmişdi.
S. Əlisoy qurultaydan iki gün sonra Publika.az-a müsahibəsində belə
demişdi: “Mən bu barədə düşünürəm. Mənimlə yanaşı, islahatçı qrup
da düşünür. Mən partiyanın qanuni, hüquqi müstəvində fəaliyyətinin
tərəfdarıyam. Amma bu dəstə meydanlara çıxmaq, icazəsiz aksiyalar
istəyir. 90-cı illərdə də belə idi. Ondan qabaq Kommunist
Partiyasında da hamı alqışlayır, lakin insanlar pis gündə
yaşayırdı. İndi də eyni vəziyyətdədir. Partiyanın bərbad günə
qalmış strukturlarının vəziyyətinə görə Arif Hacılı günahkardır.
Populist, şüarçılarla islahatçıların eyni komandada işləməsi
düşündürücü haldır. Bəzi dostlarımız mənə müraciət ediblər,
bəziləri məsləhət istəyirlər. Amma gələcək fəaliyyət fərdi olaraq
verilən qərardır. Mən ömrümü şüarçılığa, populizmə həsr etmək
istəmirəm. Gələcək fəaliyyətim haqqında yaxın günlərdə açıqlama
verəcəm”.
Bu qurumun yaranması Müsavat daxilində yeni fraksiyanın ayrılmasını
göstərir.
Asif Nərimanlı
-
Ekopublika.az02:19
Bakının bu ərazisi PLANA DÜŞDÜ - Tezliklə söküləcək
-
İdman01:15
Arda tarixi matçında belə qol vurdu - VİDEO
-
Qoroskop00:45
Günün qoroskopu: hadisələrin axarına müdaxilə etməyin, çünki...
-
Magazin126 Aprel 23:26
Xumar Qədimova daha bir məşhur şeiri mahnıya çevirdi - VİDEO
-
İnanc26 Aprel 23:02
Həcc ziyarəti ilə bağlı zəvvarlara XƏBƏRDARLIQ
-
Region26 Aprel 22:37
Başqa çıxış yolumuz yoxdur - Paşinyan
-
Hadisə26 Aprel 21:47
Dörd aylıq körpə binadan necə düşüb? - Hadisə yerindən GÖRÜNTÜLƏR
-
Magazin126 Aprel 21:35
Günelə nə olub? - Xəstəxanadan görüntüsünü paylaşdı və... - FOTO