Nida.az
Mitinq qərarının arxasındakı ilginc məqamlar – Təhlil
Noyabrın 10 Azərbaycan siyasi arenası üçün növbəti mənzərə ilə yadda qalacaq. Bu mənzərənin forması Milli Şuranın oktyabrın 12-də keçirdiyi mitinqindən sonra müəyyən qədər məlumdur: azsaylı insanlar, populist şüarlar və böyük iddialar...
Milli Şura noyabrın 10-da növbəti mitinqə hazırlaşır. Bu qərarda diqqət çəkən məqam, qurumun mitinq keçirməkdə israrlı olmasıdır. Halbuki, hava şəraiti baxımından mitinq keçirmək əlverişli deyil. Publika.az mitinq qərarının arxasında dayanan məqamları araşdırmağa çalışıb.
İlk növbədə, bu, daha çox müxalifətdaxili proseslərdən irəli gəlir.
Əsas şüar kimi QHT rəhbərlərinin həbsini əlində bayraq edən Milli
Şuradakı qurumlar əsas rəqib sayılan Müsavatı qabaqlamaq
istəyirlər. Məhbus məsələsi gündəmə gələndə Milli Şura və Müsavatın
keçmiş başqanı İsa Qəmbər ayrılıqda müdafiə komitələri yaratdı. Əli
Kərimlinin komitəsinə qarşı İsa Qəmbər 11 siyasi partiya rəhbərini
ətrafına toplayaraq əzələ nümayiş etdirdi.
Məlumatlara görə, İ. Qəmbərin qeyri-rəsmi rəhbərlik etdiyi müdafiə
komitəsi Milli Şuradan öncə mitinq keçirmək qərarını veribmiş.
Müsavat Məclisinin üzvü Tural Abbaslı Publika.az-a
mitinq niyyətlərinin hələ başqanlıq seçkilərindən öncə olduğunu
deyib: “Hətta bununla bağlı Bakı Şəhər İcra Hakimiyyətinə rəsmi
müraciət də hazırlanmışdı. Amma həmin vaxt digər partiyalar da
mitinqin təşkilatçılığında iştirak etmək niyyətlərini açıqladı və
məsləhətləşmələr aparmaq qərarına gəldik. Məsləhətləşmələr uzun
sürdüyü üçün mitinq təxirə salındı. Hazırda bu məsələ müzakirə
edilməsə də, mitinqin keçirilməsi gündəmdədir”.
Bu fonda Arif Hacılının qardaşı Mustafa
Hacıbəylinin “mitinq təşəbbüsünü ələ alaq” çağırışı da
diqqət çəkir.
“Əli Kərimlini müxalifətin birliyi deyil, heç məhbusların azadlığa
çıxması uğrunda sanballı mitinq təşkil etmək də deyil, Milli Şurada
yeganə qüvvə olduğunu sübut etmək düşündürür. Yəni onu şəxsi
ambisiyaları maraqlandırır. Bizim də münasibətimiz adekvat olmalı,
özümüz təşəbbüsü ələ alaraq aksiya təşkil etməliyik”, - deyə o
bildirib.
Göründüyü kimi, müxalifətdə nüfuz davası gedir. Kim qabağa düşsə,
diqqət mərkəzində o olacaq. Bu həm cəmiyyətə, həm də Qərbə
“müxalifət bizik” mesajıdır.
Ötən il prezident seçkilərindən sonra cəmi bir dəfə mitinq keçirən
Milli Şuranın oktyabr ayında qəfil mitinq qərarları verməsi ikinci
əsas məqam olaraq diqqət çəkir. Hərçənd, prezident seçkilərində bu
qurum məğlub oldu. O vaxtdan daxili deqradasiyaya uğrayan Milli
Şura mitinq keçirə biləcək qədər güclənməyib. O zaman uğursuz
mitinq keçirib öz zəifliyini etiraf etmək Milli Şuranın nəyinə
lazımdır? Yaxud hansı məsələ Milli Şuranı zəifliyini nümayiş
etdirəcək addıma sövq edir?
Avropa Parlamenti sentyabrın 28-də Azərbaycana qarşı qətnamə qəbul
etdi. Bu qətnamədə Azərbaycan hökuməti demokratiya, insan azadlığı
kimi klassik yanaşmalarla tənqid edildi. Eyni yanaşmanı, ABŞ
prezidenti Barak Obama da nümayiş etdirdi. Bu tənqidlərdən sonra
Milli Şura 900 nəfərlik iştirakçının olacağı 12 oktyabr mitinqini
təyin etdi.
Ardınca Avropadan Azərbaycana qarşı çevrilən tənqidlər öz axarı ilə davam etdi. Oktyabrın 27-də Vaşinqtonda Azərbaycanla bağlı dinləmələr keçirildi. Bunun ardınca Avropa Şurasının baş katibi Torbyorn Yaqland Azərbaycanda vətəndaş cəmiyyətinin inkişafına maneələrin yaradıldığı, söz azadlığının boğulduğu iddialarını irəli sürdü. Və Milli Şura noyabrın 10-da mitinqə hazırlaşır. Avropalı siyasətçilərlə müxalifətçilərin ritorikası eynidir və güman ki, növbəti mitinqdə də eyni sözlər, şüarlar səsləndiriləcək: “Azərbaycan hökuməti ölkədə azadlıqları boğur”.
“Bu qədər təsadüf olmaz” deyə təəccüblənməyə tələsməyək. Onsuz da
heç kim burda təsadüf axtarmır. Hər şey avropalı siyasətçilərlə
Azərbaycan müxalifətinin “vəhdətindən” irəli gəlir.
Azərbaycan Demokratik Partiyası (ADP) sədri Sərdar
Cəlaloğlu bu “vəhdətin” nə olduğunu açıq şəkildə izah
edir. Partiya sədri publika.az-a açıqlamasında Milli Şuranın mitinq
qərarını divident qazanmaq cəhdi kimi dəyərləndirir: “Bəzi siyasi
liderlər insanların başına gələn faciələrdən divident qazanmaq
istəyirlər. Əslində həbs olunmuş istənilən şəxsi müdafiə etmək
lazımdır. Bu insanlığa aid olan məsələdir. Əli Kərimli isə
Azərbaycanda kimsə həbs olunursa, müdafiəni yalnız onun edə
biləcəyini düşünür. Əgər onlara görə “sağ ol” deyiləcəksə, xaricdən
yardımlar ayrılacaqsa, “sağ olu” da ona desinlər, yardımları da o
alsın. Məqsəd budur. Bu günə qədər müxalifətə ayrılan hər cür
yardımı alıb təyinatı üzrə xərcləməyiblər, indi də bunu istəyirlər.
Yəni məqsəd müdafiə etmək yox, müdafiə adı altında divident
qazanmaqdır”.
Milli Şuranın əsas partiyası olan AXCP sədrinin müavini Fuad
Qəhrəmanlının 12 oktyabr mitinqindən sonra “Qərbin siyasi
məhbuslarla bağlı iqtidara təzyiqlərinin artdığı indiki dönəmdə
mitinqlər dünyanın diqqətini daha çox ölkəmizə yönəltməyə,
demokratik prosesə daha çox beynəlxalq dəstək verilməsinə zəmin
yarada bilər” açıqlaması bu kontekstdə onların özünüifşası hesab
edilə bilər.
Yeni Azərbaycan Partiyasının (YAP) icra katibinin müavini, millət
vəkili Siyavuş Novruzov da Milli Şuranın
mitinqlərini Avropada müəyyən dairələrdən maliyyə almağa
hesablandığını düşünür: “Bu cür aksiyaların keçirilməsi üçün
müəyyən qədər vəsait də ayrılıb. Ona görə də, bu aksiyanın
keçirilməsində əsas məqsəd hər hansı məhbusun azadlığa çıxması
deyil. Məqsəd AXCP və Milli Şuraya daxil olan digər partiyaların
maliyyə vəziyyətinin yaxşılaşdırılmasıdır ki, onlar da bu cür
aksiya keçirməklə xaricdən vəsait almağı düşünür”.
Bütöv Azərbaycan Xalq Cəbhəsi Partiyasının (BAXCP) sədrinin müavini
Elçin Mirzəbəyli Publika.az-a açıqlamasında ölkədə
mitinq üçün əlverişli şəraitin olmadığına, cəmiyyət tərəfindən belə
bir sifariş yoxluğuna diqqət çəkib: “Bunu mitinqi keçirənlər də
yaxşı bilir, amma yenə də keçirməkdə israrlıdırlar. Sadəcə olaraq,
məqsəd Avropada bəzi dairələrin Azərbaycana təzyiqlərindən sonra
onlarla həmrəy olduqlarını nümayiş etdirməkdir. Həmçinin, bu
həmrəylik nəticəsində onlar Qərbdən maliyyə dəstəyi alırlar. Bu
qüvvələr xarici güclərin himayəsinə sığınmağa həmişə hazırdırlar və
onları Azərbaycan xalqının dəstəyi yox, bu və ya digər ölkənin
dəstəyi maraqlandırır”.
Asif Nərimanlı
-
Gözəllik02:43
Onun tumu qızıl qədər dəyərli imiş... - Botoks effekti verir
-
Ekopublika.az02:19
Bakının bu ərazisi PLANA DÜŞDÜ - Tezliklə söküləcək
-
İdman01:15
Arda tarixi matçında belə qol vurdu - VİDEO
-
Qoroskop00:45
Günün qoroskopu: hadisələrin axarına müdaxilə etməyin, çünki...
-
Magazin126 Aprel 23:26
Xumar Qədimova daha bir məşhur şeiri mahnıya çevirdi - VİDEO
-
İnanc26 Aprel 23:02
Həcc ziyarəti ilə bağlı zəvvarlara XƏBƏRDARLIQ
-
Region26 Aprel 22:37
Başqa çıxış yolumuz yoxdur - Paşinyan
-
Hadisə26 Aprel 21:47
Dörd aylıq körpə binadan necə düşüb? - Hadisə yerindən GÖRÜNTÜLƏR