• USD 1,7430 0,00% EUR 1,8487 0,00%
    • GBP 2,1929 0,00% RUB 0,0275 0,00%

YAP Avropa Parlamentinin prezidentinə etiraz bəyanatı qəbul etdi

  • Nida.az
  • 8 Dekabr 2014 16:44
  • 374 Baxış
YAP Avropa Parlamentinin prezidentinə etiraz bəyanatı qəbul etdi

Hakim Yeni Azərbaycan Partiyası (YAP) Yasamal rayon təşkilatı Gənclər Birliyi Avropa Parlamentinin prezidenti Martin Şultsa etiraz bəyanatı qəbul edib.

Publika.az-ın məlumatına görə, bəyanatda deyilir ki, Avropa Parlamentinin prezidenti Martin Şultsun noyabrın 26-da Avropa Parlamentinin plenar iclasındakı çıxışını Azərbaycana qarşı qərəzli mövqe kimi qəbul edir və buna öz etirazımızı bildiririk:

“Avropa Parlamentinin prezidenti olaraq Martin Şults Avropanın bütün ölkələrinə bərabər və ədalətli münasibət sərgiləmək əvəzinə ölkəmiz haqda həqiqətə uyğun olmayan fikirləri ilə diqqət çəkib. Noyabrın 26-da Avropa Parlamentinin Strasburqda keçirilmiş plenar iclasında Martin Şults Azərbaycanda, ümumiyyətlə, insan hüquqlarına guya əməl edilməməsi təəssüratı yaratmağa cəhd edib. Konkret cinayət əməllərində ittiham olunan bəzi şəxsləri söz, mətbuat və fikir azadlığının pozulması bəhanəsi ilə müdafiə etməyə çalışmaq Avropa Parlamenti kimi nüfuzlu bir təşkilatın obyektivliyinə kölgə salıb. İndiyə qədər cənab M.Şults çıxışlarında Ermənistandan deportasiya edilmiş, özlərinin Qarabağdakı doğma yurd-yuvalarından qovulmuş yüz minlərlə azərbaycanlının hüquqlarından bircə dəfə də olsun danışmayıb, erməni separatçılarının qətlə yetirdiyi günahsız insanlardan, müxtəlif fiziki və mənəvi zorakılıqlara məruz qoyulan müsəlmanlardan bəhs etməyib.

25 ildir təcavüzkar Ermənistanın işğalı altında olan Azərbaycan torpaqları haqqında bir dəfə də olsun cənab Şultsun səsini və fikrini eşidən olmayıb, eyni zamanda Avropada hər gün dini və insani hüquqları tapdanan milyonlarla müsəlmanın diskriminasiyaya məruz qalması Avropa Parlamentinin prezidentini qətiyyən narahat etmir. Fikrimizcə, Avropa Parlamentində Azərbaycana qarşı qərəzli, həqiqətə uyğun olmayan belə fikirlərin səslənməsi Qərbin Cənubi Qafqaz siyasətinin zəifliyindən xəbər verir, bu təşkilatın hələ də region dövlətlərinin bölgədəki rolunu real qiymətləndirə bilmədiyini bir daha təsdiq edir. Beynəlxalq təşkilatları ölkəmizlə və regiondakı proseslərlə bağlı daha obyektiv mövqe nümayiş etdirməyə dəvət edirik".

Vasif Həsənli

Xəbər lenti

DAHA ÇOX XƏBƏR