Nida.az
İsa Qəmbərin qardaşı: “İlham Əliyevlə işləməyə hazıram” – ÖZƏL
Müsavat Partiyasının keçmiş başqanı İsa Qəmbərin qardaşı, hazırda Almaniyada yaşayan Rövşən Qəmbər Qarabağı erməni işğalından azad edilməsi üçün planlarının olduğunu açıqlayıb.
“Mətbuat məni bir qədər gərginliyə salır, yersiz hücumlara
məruz qalıram”
R. Qəmbər Publika.az-a açıqlamasında müxalifət,
eləcə də Müsavatdakı durumdan danışmaq istəmədiyini bildirib. Bunun
səbəbi kimi isə sözlərinin yanlışlığa yozulması və ona qarşı yersiz
hücumları göstərib: “Mətbuat məni bir qədər gərginliyə salır,
nəticədə, yersiz hücumlara məruz qalıram. Mənim əsas istəyim
iqtidarla müxalifət arasında körpü olmaqdır. Hesab edirəm ki, bütün
Azərbaycan xalqı birləşməlidir. Hansısa partiyaya digər
partiyaların inkişaf etməməsi, özünün daha güclü olması sərf edə
bilər. Lakin Azərbaycanı güclü görmək istəyiriksə, partiyaların
hamısı inkişaf etməli, insanları öz ətraflarında toplamalı və
ictimai rəy yaranmalıdır”.
“Onlar üçün əsas ay aprel ayıdırsa, bizim üçün də may və
iyun ayları əsas olmalıdır”
R. Qəmbər Qarabağın azad olunması üçün Azərbaycan tarixində
görünməmiş koalisiyanın qurulmasını istədiyini bildirib. Onun
sözlərinə görə, bu koalisiyada hakim Yeni Azərbaycan Partiyası,
Müsavat, AXCP, Demokrat, Həmrəylik, eləcə də digər bütün partiyalar
birləşməlidir: “Ermənilər “soyqırımın” 100 illiyinə hazırlaşanda,
biz də Qarabağın azad olunmasına hazırlaşmalıyıq. Onlar üçün əsas
ay aprel ayıdırsa, bizim üçün də may və iyun ayları əsas olmalıdır.
May ayından başlayaraq iyun ayına qədər torpaqlarımızı azad
etməliyik. Bunun üçün də ciddi şəkildə işləməliyik. Mən Dünya
Azərbaycanlıları Məclisinin fəaliyyətini genişləndirəcəyəm. Bu iş
üçün iqtidar və müxalifət də daxil olmaqla respublikanın bütün
resursları ilə danışıqlara getməyə hazıram. İsa bəy də Qarabağ
məsələsində iqtidar-müxalifət səngərinin olmadığını bəyan edib.
Ukrayna özünü necə müdafiə etdisə, Azərbaycan da Qarabağı azad edə
bildiyini bütün dünyaya göstərməlidir. Olimpiya oyunları Bakıda
keçiriləcək. Əgər həmin vaxta qədər çatdıra bilməsək, bu oyunlardan
sonra hərəkətə keçməli və Qarabağı 2015-ci ildə azad etməliyik. Qoy
ermənilər də “soyqırım”larını türklərin gözünə soxmasınlar. 100 il
öncə onları kiminsə döydüyünü deyirlər, amma özləri 22 il öncə
Xocalıda əsl soyqırım törətdilər”.
“Azərbaycan Rusiya Krıma qədər getdiyi kimi İrəvana qədər
irəliləyə bilər”
R. Qəmbər Azərbaycanda iqtidarla müxalifət arasında körpü olmaqla
bağlı planlarının olduğunu da deyib.
“Mən ilk növbədə iqtidarla müxalifət arasında körpü rolunu oynamaq
istəyirəm. Müxalifətdə də, iqtidarda da ləyaqətli şəxsiyyətlərə
böyük hörmətim var. İlham Əliyev Qarabağın azad olunması
istiqamətində intensiv siyasət apardığı üçün ona da böyük hörmətim
var. Azərbaycan səmasında başqa dövlətin helikopterinin icazəsiz
uçuşunun qarşısının qətiyyətlə alınmasından sonra bu hörmət daha da
artdı. Çünki heç kimin bizim hava məkanımızı pozmağa haqqı yoxdur
və belə olan təqdirdə Azərbaycan raketləri işə düşməlidir. İnanıram
ki, intensiv şəkildə məşğul olaraq Qarabağı 6 ay ərzində azad edə
bilərik. Bu barədə Minsk qrupuna, Azərbaycan xalqına, eləcə də
ermənilərə müraciət etməliyik. Ermənilərə bu işğalın onlar üçün
yaxşı heç nə gətirmədiyini başa salmalıyıq. Onlar “soyqırımın” 100
illiyini şişirtməklə bu gün Dağlıq Qarabağda yaşayan ermənilərin
həyatlarını çətinləşdirə bilərlər. Onlara müraciət edərək
bildirməliyik ki, mehriban münasibətlər qurub Azərbaycan vətəndaşı
kimi yaşasınlar. Öz mədəniyyətlərini, dillərini də saxlaya
bilərlər. Azərbaycan 5 milyardlıq hərbi büdcəsindən istifadə edərək
Rusiya Krıma qədər getdiyi kimi İrəvana qədər irəliləyə bilər.
Ermənilər bunu anmalı və bizi buna məcbur etməməlidirlər. Gələcəkdə
Azərbaycan, Gürcüstan, Ukrayna, Moldova, güman ki, Belarus da
Avropa Birliyinin üzvü olacaq. Azərbaycan, Gürcüstan və Türkiyə ilə
sərhədlərə malik olan Ermənistandan mehriban qonşuluq sadə xalq
üçün xeyir verə bilər. Düşünürəm ki, erməni xalqı bizimlə
razılaşacaq və torpaqların azad olunmasına dəstək verəcək. Biz də
may ayının 10-dan iyun ayının 15-nə qədər əvvəlcə Füzulidə,
Cəbrayılda, Ağdamda, daha sonra Şuşada bayrağımızı qaldıra bilərik.
Onsuz da bu torpaqlarda ermənilər yaşamır. Metyu Brayzanın
məlumatına görə, işğal olunmuş torpaqlarda erməni dilində danışan
40 min insan yoxdur. Oradakıların çox Fransaya, Rusiyaya işləməyə
gediblər. Orada yaşayanların əksəriyyəti Suriyadan, digər yerlərdən
gətirilən ermənilər və kürdlərdir”, - deyə o bildirib.
“Növbəti seçkilərdə Qarabağı azad edən partiyanın liderinə
səs verəcəm”
İsa Qəmbərin qardaşı Qarabağın azad olunması üçün iqtidarla,
konkret Prezident İlham Əliyevlə işləməyə hazır olduğunu açıqlayıb:
“Mən İlham Əliyevlə işləməyə hazıram və Vətənimizi azad etmək üçün
əlimizdən gələni etməliyik. Növbəti seçkilərdə Qarabağı azad edən
partiyanın liderinə səs verəcəyəm. Lakin müxalifəti heç nə
etməməkdə günahlandırmaq da olmaz. Müxalifətin iş görmək üçün
əlində resursu yoxdur. Bu gün müxalifət sədrinin postundan gedərək
bunu demokratiya adlandırmasını da doğru hesab etmirəm”.
“Arifi çox sevirlər, yaxud başqasını, bu məsələlər
zorakılıqla olmur”
Onun fikrincə, demokratiya hər bir müsavatçının beynindəki
ideyaları toplayıb xalqın xeyrinə istifadə etməkdir.
“Vəzifəni dəyişmək o qədər də demokratik görünmür. Mən nə
müxalifətin, nə də iqtidarın inciməsini istəmirəm. "Yenidən kimin
qüsuru çoxdur" məsələlərinə qayıtmaq mənasızdır. Əsas olan
Qarabağdır və bu məsələdə iqtidar da, müxalifət də mənim səngər
dostlarımdır. Kimin nə vaxt və nə etdiyi məni az maraqlandırır.
Qarabağı azad edək, sonra hər şeyi xalqın ixtiyarına verək. Xalqın
kimə dəstək verəcəyi görünəcək. Yoxsa Arifi çox sevirlər, yaxud
başqasını, bu məsələlər zorakılıqla olmur. Xalqın gözü tərəzidir” ,
- deyə R. Qəmbər bildirib.
Asif Nərimanlı
-
Magazin208:00
Şakira açıq-saçıq geyimi ilə heyrətləndirdi - FOTO
-
Yaxın Şərq07:30
"Hizbullah" İsraili artilleriyadan atəşə tutdu
-
Dünya06:46
ÜST-dən siqaretlə bağlı HƏYƏCAN TƏBİLİ: "Gənclərin 57%-i..."
-
Sosial05:15
Anasından asılı olan qızların 5 ƏLAMƏTİ - Sonrakı həyat necə olacaq?
-
Sosial03:13
Özünü qadına görə güllələdiyi deyilən Nəsib Quliyevin övladları və xanımı yasda İŞTİRAK ETMƏDİLƏR
-
Dünya02:12
Qadınlar SİLAHA SARILDILAR: əxlaqsızlığı təşviq edən festival LƏĞV EDİLDİ
-
Magazin100:45
Könül Kərimova estetik əməliyyat etdirdi - FOTO
-
Qoroskop00:15
Günün ULDUZ FALI: qarşıdurmalar ola bilər