Nida.az
Elmar Məmmədyarov Misirin “Əl-Cumhuriyyə” qəzetinə müsahibə verib
Misirin nüfuzlu və yüksək tirajlı qəzeti olan “Əl-Cumhuriyyə” qəzetində Azərbaycan Respublikası xarici işlər naziri Elmar Məmmədyarovun müsahibəsi dərc edilib.
Publika.Az –a bu barədə Azərbaycan Xarici İşlər Nazirliyinin (XİN) mətbuat xidmətindən məlumat verilib.
XİN rəhbəri müsahibəsində Azərbaycan ilə Misir arasında zəngin tarixi əlaqələrin mövcud olduğunu, Azərbaycanın yenidən müstəqillik qazandıqdan sonra münasibətlərin daha da genişləndiyini vurğulayıb. E.Məmmədyarov siyasi müstəvidə iki ölkə arasındakı münasibətlərin qarşılıqlı anlaşma, siyasi məsləhətləşmələr, ikitərəfli görüşlər, beynəlxalq təşkilatlar çərçivəsində əməkdaşlıqla müşayiət olunduğunu diqqətə çatdırıb. Həmçinin nazir Azərbaycan və Misirin qlobal problemlər və beynəlxalq təhlükəsizlik məsələləri üzrə ümumi baxışları paylaşdıqlarını qeyd edib.
Azərbaycan və Misir arasında iqtisadiyyat və ticarət sahələrində, xüsusilə də enerji sahəsində əməkdaşlığın inkişaf etdiyini deyən E.Məmmədyarov kənd təsərrüfatı, turizm və əczaçılıq kimi sahələrdə də əməkdaşlığın inkişaf etdirilməsi üçün əlverişli potensialın olduğunu vurğulayıb. Azərbaycan xarici işlər naziri Ermənistanın Azərbaycana qarşı təcavüzü və onun doğurduğu fəsadlar, münaqişənin həllinə dair Azərbaycanın mövqeyi, BMT Təhlükəsizlik Şurasının qeyri-daimi üzvü olmuş ölkəmizin beynəlxalq sülh və təhlükəsizliyə töhfəsi, sivilizasiyalar və mədəniyyətlərarası dialoq prosesində oynadığı rolu barəsində ətraflı məlumat verib.
Ömər Dağlı
-
Nida Xəbər 13:32
İlham Əliyev Almaniyada mühüm tədbirdə çıxış etdi - Yeniləndi
-
Nida Təhlil 13:10
Türkiyə hərbçiləri Qarabağa niyə gətirilmişdi? - Əliyevin strateji planı
-
Sosial12:58
Sabah 32 dərəcə isti olacaq
-
Nida Xəbər 12:16
XİN Avropa Parlamentinə cavab verdi
-
Nida Xəbər 10:29
Qriqoryan İrana hesabat verdi: Delimitasiya ilə bağlı
-
Nida Təhlil 09:26
Füzulidən Berlinə uçuş: Əliyevin təyyarəsi niyə Qarabağdan qalxdı?
-
Sosial08:42
Azərbaycanda general vəfat etdi
-
Magazin208:00
Şakira açıq-saçıq geyimi ilə heyrətləndirdi - FOTO