Nida.az
Rasim Musabəyov: “Ermənilər Ankaranın Bakıya qarşı olacağına ümid edir”
“Azərbaycanla Türkiyə arasındakı strateji ittifaq beynəlxalq arenada səylərin koordinasiyasına dair şifahi bəyanatlarla məhdudlaşmır. Bu, özünü dövlət başçıları, nazirlər, parlamentarilər səviyyəsində sistemli görüşlər və danışıqlarda da göstərir”.
Publika.az xəbər verir ki, bu barədə Milli
Məclisin üzvü, politoloq Rasim Musabəyov deyib.
İki ölkənin xarici siyasət idarəsi rəhbərlərinin qarşılıqlı
səfərləri və məsləhətləşmələrinin bu il də xüsusi önəm daşıdığını
deyən R. Musabəyov qeyd edib ki, son zamanlar Türkiyə və
Azərbaycanın yüksək vəzifəli nümayəndələrinin vacib tərəfdaş
ölkələrin də iştirakı ilə üçtərəfli görüşlər keçirmələri yeni
təcrübəyə çevrilib: “Burada söhbət istər Gürcüstandan, istərsə də
İran və ya Türkmənistandan gedir. Amma iki ölkənin XİN başçıları
arasında ikitərəfli formatda görüşlər prioritet olaraq qalır.
Türkiyənin xarici işlər naziri Mövlud Çavuşoğlunun Bakıya fevralın
sonunda etdiyi səfər ermənilərin Xocalıda törətdikləri soyqırımı
aktının 23-cü ildönümünə təsadüf edib. Aydındır ki, səfərin tarixi
təsadüfən seçilməyib. Bu, “1915-ci il soyqırımı” ilə bağlı
türklərin ləkələnməsinə yönəlmiş yeni kampaniyaya start vermiş
ermənilərə və onlara himayədarlıq edən qüvvələrə müəyyən
mesajdır”.
Politoloq əlavə edib ki, ermənilər tarixin hansısa başqa bir
dövründə baş vermiş faciəvi hadisələrə görə ağlaşma qurmaqdansa,
müasir dövrdə kütləvi qətliamlar, etnik təmizləmələr, Azərbaycan
torpaqlarının qanunsuz işğalı kimi hallara yol verdiyi üçün peşman
olsunlar.
“İki ölkə arasındakı iqtisadi əməkdaşlıqda davamlı irəliləyiş
müşahidə olunur - 2014-cü ilin yekunlarına görə, ticarət dövriyyəsi
1,8 milyard dollar təşkil edib. Bunun 1,3 milyardı Türkiyədən
Azərbaycana idxalın, 0,5 milyardı isə Türkiyəyə ixracın payına
düşür. Tərəflər ticarət dövriyyəsini 15 milyard dollaradək artırmaq
niyyətindədir. Türkiyənin dünyada artan rolunun təsdiqi isə onun
aparıcı iqtisadi fövqəldövlətlərin birliyi olan G-20 sammitlərində
iştirakıdır”, - deyə o bildirib.
R. Musabəyov Türkiyənin, həmçinin onun üçüncü ölkələrdəki
diasporunun Heydər Əliyev Fondunun vitse-prezidenti Leyla
Əliyevanın təşəbbüsü ilə keçirilən “Xocalıya ədalət!” beynəlxalq
kampaniyasına verdiyi dəstəyin Azərbaycanda yüksək
qiymətləndirildiyinə diqqət çəkib: “Azərbaycan, onun diplomatik
nümayəndəlikləri, KİV və diaspor təşkilatları da öz növbəsində
Türkiyənin ermənilərə qarşı “soyqırım” törətdiyinə dair yalan
kampaniyanın ifşasında Ankara ilə çiyin-çiyinə çalışır. Türkiyəni
ittiham edən ermənilər isə eyni zamanda Azərbaycanı da hədəfə
alırlar. Onlar beynəlxalq ictimaiyyətin canıyananlığından
yararlanmağa, bununla da bəşəriyyət əleyhinə törətdikləri
cinayətlərə, xüsusilə Xocalının dinc əhalisinə qarşı yol verdikləri
əməllərə görə məsuliyyətdən qaçmağa cəhd edirlər. İrəvan son
zamanlaradək Qərbdən olan himayədarlarının köməyi ilə Ankaranı
Azərbaycanı dəstəkləməkdən çəkindirəcəyinə, ermənilərlə barışıq
naminə Ankaranı dolayı kompensasiyaya razı salacağına ümid edirdi.
Lakin bu gözləntilərin xülya olduğunu anlayan Ermənistan prezidenti
Serj Sarkisyan Ermənistan-Türkiyə münasibətlərinin
normallaşdırılmasını nəzərdə tutan “İsveçrə protokolları”nı
parlamentdən geri çağırmaq məcburiyyətində qalıb”.
R. Musabəyov Türkiyənin nəhəng regional fövqəldövlət olduğunu
bildirib: “Onun böyük demoqrafik, iqtisadi və hərbi potensialı var.
Bu potensiala arxalanan Türkiyə rəhbərliyi tam müstəqil xarici
siyasət yürüdür. Dünya fövqəldövlətlərinin ermənilərin əsassız
iddiaları əsasında Ankara ilə münasibətlərini pozacağı yalnız
miflərlə, geosiyasi fantaziyalarla yüklənmiş ermənilərin ağlına
gələ bilərdi.
Üstəlik, Yaxın Şərqdə, həmçinin Ukrayna böhranı ilə əlaqədar bütünlükdə postsovet məkanında vəziyyətin ağırlaşması istər Qərb, istərsə də Rusiya üçün Türkiyə ilə tərəfdaşlığın önəmini artırır. Ermənilərin Türkiyəni “1915-ci il soyqırımı”nın dünya tərəfindən tanınacağına dair şantajlarının iflasa uğraması da təəccüblü deyil. Türkiyə liderləri ermənilərin əməllərini açıq və əzmlə dəf edirlər. Ankaranın indiyədək Ermənistana qarşı atdığı barışıq addımları heç kəsi yanıltmamalıdır. Türkiyəni zorla boynuna qoyulan cinayətlərin “etirafına” məcbur etmək, Ankara ilə Bakı arasındakı möhkəm ittifaqı dağıtmaq nə ermənilərə, nə də onların himayədarlarına nəsib olacaq”.
Asif Nərimanlı
-
İdman12:20
Onun ilk çılpaq fotosessiyanın pulunu Maradona ödəyib - FOTOLAR
-
İqtisadi gündəm12:05
Bayram günlərində bu şəxslərə əlavə pul veriləcək
-
İdman11:03
"Neftçi"də nə baş verir? - Qruplaşmalar, daxili çəkişmələr...
-
Sosial10:31
Hətta xasiyyəti belə dəyişən ay - Daim içki içən şəxs Ramazanda oruc tutarsa...
-
Ekologiya09:57
Rayonlara qar yağdı, şaxta düşdü - FAKTİKİ HAVA
-
Region09:24
Almanlar Ermənistanın Azərbaycan və Türkiyə ilə sərhədində görün nə edirlər - FOTO
-
Nida Xəbər 09:03
Mehriban Əliyevadan İlaxır çərşənbə ilə bağlı paylaşım - FOTO
-
Qoroskop08:34
Pul və sevgidə bəxti gətirəcək 3 BÜRC