Nida.az
Mehdi Musayev: “Kampaniyalara rəğmən Avropa Oyunları mükəmməl keçiriləcək”
“Bakıda keçiriləcək I Avropa Oyunlarına qarşı genişmiqyaslı anti-reklam kompaniyasının aparılması onu sübut edir ki, Avropada və Qərbdə müstəqil, çiçəklənən Azərbaycanın mövcudluğunu qəbul etmək istəmirlər”.
Bunu Publika.az-a açıqlamasında Azərbaycan Qarapapaq Türkləri
İctimai Birliyi (AQTİB) İcraiyyə Komitəsinin sədri Mehdi Musayev
deyib.
Onun sözlərinə görə, I Avropa Oyunlarına qarşı aparılan qara piar
artıq siyasi maraqların və iddiaların çılpaqlığını üzə çıxarır:
“Bəzi Qərb siyasi dairələri azğınlaşıblar. Onlar Azərbaycanın
uğurlarına qarşı çox aqressiv paxıllıq nümayiş etdirilər.
Azərbaycanı Avropada, yaxud ABŞ-da sadə insanlar tanımır. Məsələn,
Gürcüstan 2003-cü il “Qızılgül inqilabına” və 2008-ci il
Rusiya-Gürcüstan müharibəsinə görə tanınır. Yəni reklam olunub.
Sadə ingilis və amerikalı bu ölkə barədə adi informasiyaya
malikdir. Ermənistan isə qondarma “erməni soyqırımına” görə
tanınır. İndi Azərbaycan üçün Avropada sadə insanlar səviyyəsində
tanınmaq şansı yaranıb. Bakıda keçiriləcək Avropa Oyunları
Azərbaycanın daha mükəmməl tanınması, reklamı, piarı üçün geniş
şərait yaradacaq. Lakin məsələ burasındadır ki, bu oyunların
keçirilməsi niyə ABŞ və bəzi Avropa dövlətlərindəki siyasi
dairələri narahat edir?”
M. Musayev bildirib ki, Azərbaycana qarşı I Avropa Oyunları
üzərindən təşkil edilən qara piara sərf edilən enerjini və
resursları Dağlıq Qarabağ işğalının aradan qaldırılmasına sərf
etsələr daha effektli olardı.
“Onsuz da Bakıda I Avropa Oyunları yüksək səviyyədə keçiriləcək.
Mən təəssüf edirəm ki, bu tədbirə qarşı sərf edilən vəsait boş yerə
havaya sovrulur. Bu vəsaiti Somali və Ruandadakı ac insanlara sərf
etsələr daha yaxşı olardı”, - deyə o bildirib.
AQTİB İcraiyyə Komitəsi sədri rəhbərlik etdiyi təşkilatın Avropa
oyunlarını dəstəklədiyini diqqətə çatdırıb: “Avropa oyunları
Azərbaycan üçün dünyada böyük reklamdır. Rəhbərlik etdiyim təşkilat
Azərbaycan Respublikasının dəstəklədiyi bütün beynəlxalq tədbirlərə
tərəfdar çıxır və bu istiqamətdə əlindən gələn köməyi
əsirgəməyəcək”.
Asif Nərimanlı
-
Gözəllik02:43
Onun tumu qızıl qədər dəyərli imiş... - Botoks effekti verir
-
Ekopublika.az02:19
Bakının bu ərazisi PLANA DÜŞDÜ - Tezliklə söküləcək
-
İdman01:15
Arda tarixi matçında belə qol vurdu - VİDEO
-
Qoroskop00:45
Günün qoroskopu: hadisələrin axarına müdaxilə etməyin, çünki...
-
Magazin126 Aprel 23:26
Xumar Qədimova daha bir məşhur şeiri mahnıya çevirdi - VİDEO
-
İnanc26 Aprel 23:02
Həcc ziyarəti ilə bağlı zəvvarlara XƏBƏRDARLIQ
-
Region26 Aprel 22:37
Başqa çıxış yolumuz yoxdur - Paşinyan
-
Hadisə26 Aprel 21:47
Dörd aylıq körpə binadan necə düşüb? - Hadisə yerindən GÖRÜNTÜLƏR